გაასუფთავეთ ბულგარული წიწაკა, ყუნწი ამოაჭერით მრგვალად და ამოასუფთავეთ შიგთავსი. გარეცხეთ და დააპირქვავეთ კულინარიულ ქაღალდზე, ზედმეტი წყლისგანგასათავისულებლად. პამიდორი და ბადრიჯანი გარეცხეთ, გაამშრალეთ, ამოაცალეთ გული. პამიდვრის გულს ვინახავთ.ნახევრად მოხარშეთ ბრინჯი.გაატარეთ ხორცი ხორცსაკეპში, მწვანილები და ხახვი გაატარეთ ხორცთან ერთად . დაუმატეთ დაჭყლეტილი ნიორი, ბრინჯი. შეკმაზეთ მარილით, წიწაკით. კარგად აურიეთ და ფარშიც მზადაა.ახლა კი დაგვრჩა აწყობა. ფარში მოვათავსოთ ბულგარულის, ბადრიჯნისა და პამიდვრის გულებში. მჭიდროდ ჩავაწყოთ ქვაბში.პამიდვრის გამოცლილი გულებს დავამატოთ წყალი, მარილი, პილპილი, მე ცოტა მწვანილებიც დავამატე და ზემოდან მოვასხათ ტოლმებს. შევდგათ დაბალ ცეცხლზე, დაახლოებით 1 საათი.ხორცი უნდა იყოს ცხიმიანი, თორემ ძალიან მშრალი გამოვა. თუ საქონლის ხორცი უცხიმოა, უმჯობესია გამოიყენოთ ნახევარი ღორის ხორცი. პამიდორი, ბულგარული, ბადრიჯნის ზომა ინდივიდუალურია და ამიტომ განსაზღვრეთ თქვენ თვითონ, თუ რამდენი დაგჭირდებათ.