შოკოლადის ტორტი მარწყვით - სეზონის კლასიკა
შოკოლადის ტორტი მარწყვით - სეზონის კლასიკა
დრო 1წთ
ულუფა 0
სირთულე მარტივი
შეინახე რეცეპტი
სანამ  მარწყვი  მოლეულა, არ  დაგავიწყდეთ  ამ  ტორტის  მომზადება :)

ინგრედიენტები

  • კაკაო - 2ს/კ
  • ვანილი - 2 შეკვრა
  • კონიაკი ან რომი - 4 ს/კ
  • მარწყვი - 1 კგ
  • შავი შოკოლადი - 1 ფილა
  • კარაქი - 400 გრ
  • ფქვილი - 15 ს/კ
  • შაქარი - 15 ს /კ
  • კვერცხი - 15 ცალი
  • შაქარი - 1 ჭიქა
  • კარაქი - 150 გრ
  • რძე ან წყალი - 2 ს/კ
მომზადების წესები

ბისკვიტი: 15 კვრცხის ცილა კარგად ავთქვიფოთ, ნელ-ნელა ჩავყაროთ 15ს/კ შაქარი, 15 კვერცხის გული, 15 ს/კ ფქვილი, ვანილი. ჩავასხათ ცხიმწასმულ საშუალო ზომის ფორმაში და გამოვაცოთ 150 გრადუსსზე აერღუმელში ან ძალიან დაბალ ცეცხლზე თავზე მჭიდროდ დახურულ ქვაბში.(არ დაგავიწყდეთ ქვაბს ჩაუფინოთ 3 ფენა თეთრი ქაღალდი, თუ ზემოდან აცხობთ)
სანამავი: 2ს/კ ყავას დავუმატოთ 1/4 ჭიქა შაქარი, 2ს/კ კონიაკი და 0.5 ლ გრილი წყალი.
კრემი: 400 გრ კარაქი კარგად ავთქვიფოთ, დავუმატოთ წინასწარ გამდნარი 1ფილა შავი შოკოლადი, გაგრილებული მინანქარი (ჩვეულებრივად მომზადებული), ვანილი და 2 ს/კ კონიაკი.
მომზადება: ბისკვიტი გავჭრათ შუაზე, დავნამოთ კარგად, მოვაწყოთ დაშაქრული მარწყვი, წავუსვათ კრემი, დავაფაროთ მეორე ნაჭერი, ისიც დავნამოთ, წავუსვათ კრემი და მოვრთოთ სურვილისამებრ ცოცხალი მარწყვებით.

ტეგები:
ტორტი შოკოლადი მარწყვი ნანახია: 7435