გულიაში - გემრიელი და ნოყიერი კერძი
გულიაში - გემრიელი და ნოყიერი კერძი
დრო 1წთ
ულუფა 0
სირთულე მარტივი
შეინახე რეცეპტი
იოლად  მოსამზადებელი,  გემრიელი  კერძი  მთელი  ოჯახისთვის.

ინგრედიენტები

  • საქონლის რბილი ხორცი - 500 გრ
  • კარტოფილი - 100 გრ
  • ხახვი - 2 თავი
  • პომიდვრის სოუსი - 200 გრ
  • ნიორი - 2-3 კბილი
  • თეთრი ღვინო - 20 მლ
  • ცხიმი შესაწვავად - 40 გრ
  • მარილი და პილპილი - გემოვნებით
  • კამა და ოხრახუში - თითო კონა
  • დაფნის ფოთოლი - 1 ცალი
მომზადების წესები
საქონლის  ხორცის  რბილობი  დავჭრათ  ერთნაირ  ნაჭრებად.  მოვაყაროთ  მარილი  და  პილპილი,  ავურიოთ  და  შევწვათ  ცხიმში.  როდესაც  ხორცი  შეწითლდება, გადავიღოთ  დაბალ, ფართო  ქვაბში.  ხორცის  ნაწვავ  ტაფაზე  დავასხათ  ღვინო,  წამოვადუღოთ  და  დავასხათ  ხორცზე,  დავახუროთ  სახურავი  და  ვშუშოთ  10-15  წუთი.  

შემდეგ  დავასხათ  პომიდვრის  თხელი  საწებელი  იმდენი,  რომ  ხორცი  დაიფაროს,  ჩავამატოთ  კუბიკებად  დაჭრილი,  შემწვარი  კარტოფილი,  წვრილად  დაჭრილი,  მოშუშული  ხახვი,  ნიორი,  მწვანილები  და  დაფნის  ფოთოლი.  ვადუღოთ  ცოტა  ხანი  და  ჩვენი  კერძიც  მზად  არის.

სუფრაზე  მიტანისას  მოვაყაროთ  კამა  და  ოხრახუში.
ტეგები:
კარტოფილი ხორცი ნანახია: 26574