1. ბისკვიტი: 12 კვერცხის ცილა ათქვიფეთ გათეთრებამდე, ნელ-ნელა ჩააყარეთ 12 სკ შაქარი, 12 კვერცხის გული, ვანილი, 3 სკ კაკაო, 1 ჩკ სოდა გახსნილი 2 ჩკ ძმარში, 2 სკ თაფლი, 12 სკ ფქვილი.მიღებული მასა გაყავით ორად და გამოაცხვეთ ცხიმწასმულ, მრგვალ ფორმაში 200 გრადუსზე.2. კრემი:5 კვერცხის გული ამოიყვანეთ 2 ჭიქა შაქართან, შეურიეთ 1,5 ჭიქა ფქვილი, ვანილი, მარილი, 2 სკ ხსნადი ყავა, დაასხით 1 ლ ადუღებული წყალი ან რძე, თან ჩქარ-ჩქარა ურიეთ, რომ კოლტები არ გაუჩდეს. შემოდგით კრემი საშუალო ცეცხლზე და მორევით მიიყვანეთ ადუღებამდე. ადუღების შემდეგ აუცილებლად დატოვეთ ცეცხლზე 2-3 წუთი. 400 გრ კარაქი ათქვიფეთ მიქსერით, ჩაასხით 2 სკ კონიაკი, შეურიეთ კარგად გაცივებული კრემის ფაფას, უყავით 2 სკ კაკაო, ვანილი და ჩააყარეთ წინასწარ გარეცხილი და კარგად გამშრალი ჟოლო. ჟოლოს ჩაყრის შემდეგ კრემს 2-3-ჯერ შემოატარეთ მიქსერი, რათა ხილი ძალიან არ დასრისოთ.3. მომზადება:ტორტის ერთ ფენას წაუსვით კრემი, დაადეთ მეორე ფენა და დარჩენილი კრემით ლამაზად მორთეთ გარედან. თავზე მოაწყვეთ ცოცხალი ჟოლოს ნაყოფი.(შეგიძლიათ წინასწარ ცალკე დასრისოთ ჟოლო და ჯერ ის მოაფინოთ ტორტს შუაგულში და შემდეგ წაუსვათ კრემი)გემრიელად მიირთვით!