1. 500 მლ წყალი და 200 გრ მარგარინი ავადუღოთ, როგორც კი დუღილს დაიწყებს და მარგარინი გადნება, გადმოვდგათ, ჩავამატოთ 500 გრ ფქვილი და ჩქარ-ჩქარა მოვურიოთ ერთგვაროვანი მასის მიღებამდე. გავაგრილოთ და მიქსერით შევათქვიფოთ 8 ცალი კვერცხი და ვანილი.დავაწყოთ ერთმანეთისგან მოშორებით საცხობ სინზე (შეგიძლიათ ფორმა მისცეთ ან უბრალოდ კოვზით დასვათ ბურთები) და გამოვაცხოთ 200 გრადუსზე გახურებულ ღუმელში დაახლოებით 25 წუთი. 2. კრემი: 1,5 ჭიქა ფქვილი, 2,5 ჭიქა შაქარი, ვანილი და მარილი კარგად შეურიეთ ერთმანეთს, დაასხით 1 ლ მდუღარე წყალი ან რძე, ჩქარ-ჩქარა მოურიეთ და შემოდგით საშუალო ცეცხლზე, არ შეწყვიტოთ მორევა. რომ ადუღდება დაუწიეთ ცეცხლს და დატოვეთ ფაფა კიდევ 5 წუთი. გადმოდგით და კარგად გააცივეთ.მიქსერით ათქვიფეთ 400 გრ კარაქი, ჩაასხით 2 სკ კონიაკი, შეურიეთ გაცივებულ ფაფას და უყავით ვანილი.3. გაჭერით შუები შუაზე, ჩაუდეთ კრემი და მოაყარეთ შაქრის პუდრი.
