ჩირბული - უგემრიელესი და ნოყიერი აჭარული კერძი
ჩირბული - უგემრიელესი და ნოყიერი აჭარული კერძი
დრო 30წთ
ულუფა 0
სირთულე მარტივი
შეინახე რეცეპტი

როცა  გსურთ  მრავალრიცხოვანი  ოჯახი  სწრაფად  და  მარტივად  დააპუროთ...

ინგრედიენტები

  • პომიდორი - 6 ცალი
  • ზეთი - 50 მლ
  • ხახვი - 1 თავი
  • მწარე წიწაკა - 1 ცალი
  • ნიგოზი - 1/3 ჭიქა
  • ნიორი - 2 კბილი
  • კვერცხი - 6 ცალი
  • ყვითელი ყვავილი - 1/2 ჩკ
  • ხმელი ქინძი - 1/2 ჩკ
  • ქინძი, კამა - 5-5 ღერი
  • მარილი - გემოვნებით
მომზადების წესები

1. პომიდორს  გავაცალოთ კანი და რბილობი წვრილად დავჭრათ.

2. წიწაკას ამოვაცალოთ თესლი, დავჭრათ მრგვალად, დავასხათ ზეთი და გავაჩეროთ 15–20 წუთი.

3. ხახვი დავჭრათ წვრილად, მოვათავსოთ ტაფაზე, დავასხათ წიწაკიანი ზეთი და შევწვათ ოქროსფერი ფერის მიღებამდე. დავამატოთ პომიდორი, ნიგოზი, დანაყილი ნიორი, ერთი ჭიქა წყალი, მოვაყაროთ მარილი და ვთუშოთ დაბალ ტემპერატურაზე 5–8 წუთი.

4.  შემდეგ  დავამატოთ ზაფრანა, ხმელი ქინძი, წვრილად დაჭრილი მწვანილები და ავურიოთ.

5.  მომზადებულ  მასაში  ჩავახალოთ  კვერცხი  მთელ-მთელად, დავახუროთ  თავი  და  დავტოვოთ  ცეცხლზე  კვერცხის  მომზადებამდე.

ნამდვილი  აჭარული  ჩირბულის  მომზადებისას  კვერცხი  უნდა  იყოს  თოხლო.