შაქარი და 2 ჭიქა ფქვილი დავყაროთ დაფაზე და გავუკეთოთ ჩაღრმავება, გარშემო მოვაყაროთ გახეხილი მარგარინი, გულში მოვათავსოთ კვერცხი და კვერცხის გულები და დანით ავკეპოთ, დავუმატოთ არაჟანში არეული სოდა და იმდენი ფქვილი, რომ მივიღოთ ნაზი ცომი, რომელიც ხელს არ ეკრობა. ფორმას წავუსვათ ცხიმი და შიგ მოვათავსოთ ცომის 2/3 ნაწილი. ცილა გავთქვიფოთ ძალიან კარგად, დავუმატოთ შაქარი, ფორთოხლის ცედრა და ნიგოზი, მასა გადავანაწილოთ ფორმაში ჩაფენილ ცომზე და ზემოდან დარჩენილი ცომით დავწნათ, შევდგათ საშუალოდ გახურებულ ღუმელში და ვაცხოთ, სანამ ღია ოქროსფერი არ გახდება. მზა ნამცხვარი მოვრთოთ შაქრის პუდრითა და ფორთოხლის ცუკატებით.