ჰაეროვანი ნამცხვარი ბეზეთი და ატმით
ჰაეროვანი ნამცხვარი ბეზეთი და ატმით
დრო 60წთ
ულუფა 0
სირთულე მარტივი
შეინახე რეცეპტი
საოცრად გემრიელი ნამცხვარი მარტივი ინგრედიენტებით.

ინგრედიენტები

  • კვერცხის გული - 6 ცალი
  • შაქარი - 2 ჭიქა
  • მაწონი - 500 გრ
  • სოდა - 1 ჩკ
  • კარაქი ან მარგარინი - 250 გრ
  • ვანილი - 1 შეკვრა
  • მარილი - 1/4 ჩკ
  • ფქვილი - 3,5 ჭიქა
გულსართი
  • ატამი ან სეზონური ხილი
ბეზე
  • კვერცხის ცილა - 6 ცალი
  • შაქარი - 1,5 ჭიქა
  • ვანილი
მომზადების წესები
1. კვერცხის გული და შაქარი კარგად ამოვიყვანოთ, ჩავამატოთ გამდნარი კარაქი, მაწონი სოდით, ვანილი, მარილი და ფქვილი. მიღებული ცომი ჩავასხათ ცხიმწასმულ ფორმაში და ზემოდან მოვაწყოთ თხლად დაჭრილი ატამი  ან რაიმე სხვა სეზონური ხილი.
გამოვაცხოთ 180 გრადუსზე გახურებულ ღუმელში.

2. კვერცხის ცილა ავთქვიფოთ სანამ ღრუბელივით მასას არ მივიღებთ, ძალიან ნელ-ნელა ჩავამატოთ შაქარი, ვანილი და ვთქვიფოთ სანამ შაქარი არ გადნება.

3. ბისკვიტი გამოცხობამდე 3-5 წუთით ადრე გამოვიღოთ ღუმელიდან და ძალიან სწრაფად, თანაბრად წავუსვათ გამზადებული ბეზე. ისევ შევდგათ ღუმელში და დავტოვოთ სანამ ბეზე ოდნავ ოქროსფრად მოიბრაწება.

4. შეგიძლიათ გაგრილებულს მოაწუწოთ გამდნარი შავი შოკოლადი ან ცხობისას, ბეზესთან ერთად მოაყაროთ გახეხილი ლიმონის კანები.