1. კარგად გარეცხეთ მოზრდილი ზომის კარტოფილები, შეამშრალეთ ხელსახოცით, ჩაჩხვლიტეთ ჩანგლით ზედა და ქვედა გვერდებზე, მოაყარეთ მარილი, შეაზილეთ ზეთი და გააჩერეთ 15 წუთი. დაალაგეთ საცხობ სინზე, ოღონდ არა "ჟარონაზე" არამედ რაზეც "ჟარონებს" ვდებთ. გაახურეთ ღუმელი 200 გრადუსზე, ქვემოთ ღუმელს ძირზე დააფინეთ ფოლგა, რათა არ მიეწვას და შეწვით კარტოფილი.2. სანამ კარტოფილი იწვება, დახეხეთ კომბოსტო და სტაფილო, წვრილად დაჭერით კიტრი, ბულგარული წიწაკა, მწვანე ხახვი, კამა, აურიეთ ერთმანეთს, მოასხით ძმარი, ზეთი, უყავით მარილი, შავი წიწაკა, კიდევ ერთხელ ამოურიეთ და დადგით. 3. გამოიღეთ შემწვარი კარტოფილები ღუმელიდან, ჩაჭერით ჯვარისებურად და ფრთხილად, ისე რომ მთლიანობა არ დაირღვეს, გადაშალეთ. მოათავსეთ მომზადებული სალათა კარტოფილის გულში, სურვილისამებრ დაამატეთ მარილი და წიწაკა და გემრიელად მიირთვით.
