უგემრიელესი მაკარონი ფარშით
უგემრიელესი მაკარონი ფარშით
დრო 0წთ
ულუფა 0
სირთულე მარტივი
შეინახე რეცეპტი
გემრიელი და ნოყიერი კერძი, მოაზადეთ ჩვენი ფოტოინსტრუქციის მიხედვით

ინგრედიენტები

  • მაკარონი - 500 გრ
  • ფარში - 500 გრ
  • პომიდორი - 1 კგ
  • ნიორი - 2-3 კბილი
  • გახეხილი ყველი (სასურველია მოცარელა) - 300 გრ
  • მარილი და წიწაკა - გემოვნებით
მომზადების წესები
1. მოხარშეთ მაკარონი "რიგატონი" (მსხვილი,ტრუბა მაკარონი), დაყარეთ თუშფალანგზე და კარგად რომ გაიწურება მოაყარეთ გახეხილი ყველი.

2. ზეთიან ტაფაზე მოშუშეთ ხორცის ფარში 5 წუთი, მოასხით გახეხილი პომიდორი, უყავით წვრილად დაჭრილი ნიორი, მარილი და წიწაკა, დააფარეთ თავი და შუშეთ კიდევ 15 წუთი. 

3. საცხობ ფორმას წაუსვით ცხიმი, ძირზე მოასხით მომზადებული ფარშის ნაწილი, დაალაგეთ მაკარონი ვერტიკალურად ისე, როგორც ფოტოზეა, ზემოდან მოასხით დარჩენილი ფარში, შედგით 180 გრადუსზე გახურებულ ღუმელში 15 წუთი, გამოიღეთ, მოაყარეთ გახეხილი ყველი (სასურველია მოცარელა, მე ნაკლებმარილიანი ყველით ან სულგუნითაც ვაკეთებ) და კვლავ შედგით ღუმელში 5 წუთი.

გემრიელად მიირთვით!
ტეგები:
ფარში ხორცი მაკარონი პომიდორი ნანახია: 17004