გოგრის სუფ-პიურე ნაღებით – ვიტამინების "ბომბი"
გოგრის სუფ-პიურე ნაღებით – ვიტამინების "ბომბი"
დრო 30წთ
ულუფა 2
სირთულე საშუალო
შეინახე რეცეპტი
ნაზი და დაბალკალორიული სუფი შამოდგომის მშვენებისგან.

ინგრედიენტები

  • გოგრა - 400 გ
  • ხახვი - 1 თავი
  • ბულიონი ან წყალი - 2 ჭიქა
  • ნაღები - 100 მლ
  • ნიორი - 1 კბილი
  • მარილი - გემოვნებით
  • მუსკატის კაკალი (ჯავზი) - გემოვნებით
  • ზეითუნის ზეთი - 2 სუფრის კოვზი
მომზადების წესები
მოამზადეთ პროდუქტები. დაჭერით ხახვი ალყა-ალყა, ხოლო ნიორი გაჭერით შუაზე. გახურებულ ქვაბს დაასხით ზეითუნის ზეთი და მოხრაკეთ შევარდისფრებამდე ხახვი და ნიორი. გოგრა გაფცქვენით, მოაცილეთ შიდა ქსოვილები და დაჭერით კუბიკებად. ამოიღეთ ნიორი, ის აღარ დაგჭირდებათ, უკვე გაუშვა თავისი არომატი.

დაასხით ბულიონი ან წყალი მოხრაკულ ხახვს და ჩააყარეთ დაჭრილი გოგრა. ხარშეთ თავდახურულ ჭურჭელში 20 წუთი. ამასობაში მოამზადეთ ნაღები და სანელებლები. დააბლენდერეთ უკვე მოხარშული სუფი. დაუმატეთ ნაღები, მარილი, მუსკატის კაკალი და სხვა სანელებლები გემოვნებით. მიიყვანეთ ადუღებამდე და გადმოდგით. სუფრასთან მიტანამდე, შეგიძლიათ მოაყაროთ მწვანილი ან მოხალული, გარჩეული და დაჭრილი გოგრის თესლი.

ტეგები:
გოგრა კრემ-სუფი ნანახია: 7760