ბისკვიტად დაფხვნილი ორცხობილა ("პაჩენია") გამოიყენეთ. დააქუცმაცეთ "პეჩენია" ბლენდერში ან გაატარეთ ხორცის საკეპ მანქანში, შემდეგ შეაზილეთ დარბილებული ან გამდნარი კარაქი. ახლა აიღეთ ფორმა, ჩააფინეთ მასში პერგამენტის ქაღალდი და ჩადეთ კარაქში აზელილი ორცხობილა, კარგად გაანაწილეთ და დატკეპნეთ.შედგით ცოტა ხნით მაცივარში, იქამდე, სანამ "კრემს" მოამზადებთ. მანამდე კი დაალბეთ ჟელატინი წყალში. შემდეგ ნელ ცეცხლზე მიიყვანეთ ადუღებამდე. გააგრილეთ და მიქსერით შეათქვიფეთ იოგურტს, დაუმატეთ კრემს შაქრის პუდრა და ლიმონის წვენი. აიღეთ კივი, დაჭერით პატარა კუბიკებად და ჩაყარეთ იოგურტში, აურიეთ ხის კოვზი. დაჭერით ბანანი წრეებად და დააწყეთ უკვე გაციებულ "ბისკვიტზე". ზემოდან მოასხით იოგურტის კრემი და კვლავ შედგით მაცივარში 2-3 საათით. როცა ტორტი კარგად გაიყინება, მოაწყეთ ზემოდან დაჭრილი კივი. ყურადღება მიაქციეთ, თუკი კრემი კარგად არ გამყარდა, შემდეგისთვის გაითვალისწინეთ და მეტი ჟელატინი გაუკეთეთ.
