ინგრედიენტების რაოდნობა სურვილისამებრ განსაზღვრეთ. თავიდანვე განსაზღვრეთ შაქრის რაოდენობა – ვაშლის რაონობის ნახევარი. თუმცა, თუკი ვაშლი მჟავეა, შაქრის რაოდენობა გაზარდეთ. გაფცქვენით ვაშლი (კანი არ გადაყაროთ) და დაჭერით თანაბარ, დაახლოებით 6-8 ნაჭრად, ამოაცალეთ გულები და არც ისინი გადაყაროთ. ვაშლის კანსა და გულებს დაასხით ცოტაოდენი წყალი და ხარშეთ, სანამ არ დარბილდება. შემდეგ გაწურეთ. ახლა მოზრდილ ქვაბში მოადუღეთ სიროფი ვაშლის კანებისა და გულისგან მოხარშული ნაყენისა და შაქრისგან (ერთ ჭიქა ნაყენზე 1 კგ შაქარი). ხარშეთ დაბალ ცეცხლზე და თან ურიეთ, სანამ შაქარი სრულიად არ გადნება. როცა სიროფი დუღილს დაიწყებს, შეგიძლიათ ჩაყაროთ ვაშლები და თან კვლავ ურიეთ. ცეცხლს დაუკელით, როგორც კი მურაბა დუღილს დაიწყებს. გარეცხეთ ლიმონი და დაჭერით კანიანად მრგვალ ნაჭრებად. ერთ კილოგრამ ვაშლს ნახევარი ლიმონი ეყოფა.