პირველ რიგში გამოიღეთ საყინულედან ჟოლო თუ გაყინული გაქვთ. ახლა ჯამში ჩაყარეთ შაქარი და არაჟანი, კარგად აურიეთ, დაუმატეთ გამდნარი და გაგრილებული კარაქი. კვლავ კარგად აურიეთ. შემდეგ დაუმატეთ ფქვილი და გამაფხვიერებელი. ცომი უნდა გამოვიდეს რბილი და ელასტიკური. გაანაცილეთ ცომი გამოსაცხობი ფორმის ფსკერზე, ამოიყვანეთ გვერდებზეც. ახლა მოამზადეთ არაჟნის მოსასხმელი. ამისათვის კვერცხს შეურიეთ შაქარი, ფქვილი და არაჟანი. კარგად ათქვიფეთ, შაქრისა და ფქვილის სრულიად გახსნამდე. ამის შემდეგ ღვეზელის ცომზე მოათავსეთ ჟოლო, ხოლო ზემოდან მოასხით არაჟნის კრემი. მოათავსეთ 180 გრადუსზე გახურებულ ღუმელში დაახლოებით ერთი საათით. მხოლოდ მას მერე, რაც ღვეზელი კარგად გაცივდება, გადმოიღეთ თეფშზე. ღვეზელი შეგიძლიათ გააკეთოთ სხვა კენკრით, ასევე ვაშლით, ან სხვა ხილითაც.
