პატარა ჯამში შეურიეთ კვერცხი და შაქარი. შემდეგ დაუმატეთ კაკაო. ფქვილი, სახამებელი (თუ არ გაქვთ, გაზარდეთ ფქვილის რაოდენობა 4 სუფრის კოვზამდე) და გამაფხვიერებელი ან სოდა – ყველაფერი ერთმანეთში კარგად აურიეთ. შემდეგ დაუმატეთ ზეთი და რძე. აურიეთ თხელი, ერთგვაროვანი მასის მიღებამდე. ჩააფინეთ გამოსაცხობ ფორმაში პერგამენტის ქაღალდი და ჩაასხით ცომი.შედგით მიკროტალღურ ღუმელში 3 წუთით მაქსიმალურ სიძლიერეზე (1000 ვტ). ასევე შეგიძლიათ ფინჯნებში გაანაწილოთ ცომი და ცალ-ცალკე გამოაცხოთ. მორჩა! ბისკვიტი მზად არის. მოაყრეთ შაქრის პუდრი და მიირთვით ჩაიზე ან ყავაზე. შეგიძლიათ გაამრავალფეროვნოთ ბისკვიტი ათქვეფილი არაჟნისა და შაქრის კრემით, გულში ჩაუდოთ ალუბალი, ზემოდან კი მოაყაროთ გახეხილი შოკოლადი.