ღუმელში იდეალურად შემწვარი კარტოფილი კანიანად
ღუმელში იდეალურად შემწვარი კარტოფილი კანიანად
დრო 90წთ
ულუფა 6
სირთულე მარტივი
შეინახე რეცეპტი
ელემენტარული ხრიკი უგემრიელესი კერძის მოსამზადებლად. ღუმელში იდეალურად შემწვარი კანიანი კარტოფილის მთავარი ინგრედიენტი ჩვეულებრი მარილია.

ინგრედიენტები

  • საშუალო ზომის კარტოფილი - ცალი
  • ქონდარი ან როზმარინი - 2 ღერი
  • ნიორი - 1 თავი
  • მსხვილი მარილი
მომზადების წესები
წინასწარ გაახურეთ ღუმელი 200 გრადუსზე. კარგად გარეცხეთ კარტოფილი კანიანად და გააშრეთ.
მოამზადეთ ტაფა. ამისათვის მას მოაყარეთ მარილი ისე, რომ ტაფის ზედაპირი 1-2 სანტიმეტრით დაფაროს.
დააწყვეთ მარილზე კარტოფილი, იქვე დაულაგეთ როზმარინის ან ქონდრის ღერები და ნივრის გაუფცქვნელი თავიც. ნიორს მხოლოდ თავი მოაჭერით.
შემდეგ გადააფარეთ ტაფას ფოლგა და შედგით ღუმელში დაახლოებით ერთი საათი.
გამოიღეთ კარტოფილი ღუმელიდან. ამოიღეთ ნიორი, რათა გაგრილდეს. წაუსვით თითოეულ კარტოფილს ცოტაოდენი ზეთი და ისევ შედგით ღუმელში იქამდე, სანამ კანი ოქროსფერი არ გახდება. გაჩვრიტეთ კარტოფილი ჩანგლით, რათა დარწმუნდეთ, რომ შიგნიდან უკვე მზად არის.
შემდეგ გამოიღეთ ღუმელიდან, ჩაჭერით სიგრძეზე (ოღონდ ბოლომდე არა) და ჩადეთ მასში კარაქისა და ღუმელში ნამყოფი ნივრისგან მომზადებული პასტა.

ტეგები:
კარტოფილი ნანახია: 5160