მოხარშეთ კარტოფილი მარილიან წყალში, ამოიღეთ წყლიდან და დაჭყლიტეთ. დაუმატეთ კვერცხის გული და გამდნარი კარაქი. შემდეგ მოაყარეთ მარილი და პილპილი. დაუმატეთ სურვილისამებრ მწიკვი მუსკატის კაკალი. კარგად აურიეთ ყველაფერი ერთგვაროვანი მასის მიღებამდე. საკონდიტრო ტომრის მეშვეობით, "ვარსკვლავის" თავით დასვით "ვარდები" ღუმელის გამოსაცხობ ტაფაზე, რომელზეც წინასწარ პერგამენტის ქაღალდს დააფენთ. შედგით 190 გრადუსზე გახურებულ ღუმელში 20 წუთით. სუფრასთან გემრიელი და ლამაზი გარნირი ცხელ-ცხელი მიიტანეთ.