იმისათვის, რომ ეს საოცარი ჩიზქეიქი მოამზადოთ, დაგჭირდებათ მხოლოდ 3 ინგრედიენტი
იმისათვის, რომ ეს საოცარი ჩიზქეიქი მოამზადოთ, დაგჭირდებათ მხოლოდ 3 ინგრედიენტი
დრო 30წთ
ულუფა 7
სირთულე მარტივი
შეინახე რეცეპტი
ამ რეცეპტის მთავარი ინგრედიენტი – ჰაეროვანი ნაღების ყველია. აირჩიეთ "ფილადელფია", ან მასკარპონე. აუცილებელია, ყურადღება მიაქციოთ შოკოლადსაც – მხოლოდ ხარისხიანი პროდუქტით გამოგივათ ის შედეგი, რასაც ელით.

ინგრედიენტები

  • კვერცხი - 3 ცალი
  • თეთრი შოკოლადი - 120 გ
  • ნაღების ყველი (”ფილადელფია” ან მასკარპონე) - 120 გ
მომზადების წესები
მომზადების წესი:

კვერცხი მაცივარში ნადები უნდა იყოს. გააცალკევეთ ცილა გულისგან. გაახურეთ ღუმელი 170 გრადუსზე.
წყლის აბაზანაზე ბოლომდე გაადნეთ შოკოლადი. შეურიეთ გამდნარ შოკოლადში ნაღების ყველი.
შოკოლადისა და ნაღების მასაში დაუმატეთ კვერცხის გული. (გულების დამატებამდე აუცილებლად გასინჯეთ კრემი: აი, ძალიან გემრიელია...)
ათქვიფეთ ცილა მკვრივი ქაფის მიღებამდე და დაუმატეთ ძირითად მასას.
მოათავსეთ მასა კარაქწასმულ ფორმაში.
ჩაიზქეიქი ბევრად ნაზი და ფუმფულა გამოვა, თუკი "ჟარონაზე", რომელზეც ფორმას მოათავსებთ, დაახლოებით ჭიქანახევარ ცხელ წყალს დაასხამთ – გამოცხობისას წყალი აოართქლდება და ღუმელში ტენიან გარემოს შექმნის.
აცხვეთ 30 წუთის განმავლობაში. ნუ გამოიღებთ ღუმელიდან მაშინვე – დატოვეთ გამორთულ ღუმელში 15 წუთი.

ტეგები:
დესერტი ჩიზქეიქი ნანახია: 14553