მომზადების წესი:მოხარშეთ კარტოფილი კანიანად მარილწყალში. მოხარშული კარტოფილი გააგრილეთ და გაფცქვენით. ჩაჭყლიტეთ ჩანგლით ჯამში.შეგიძლიათ გამოიყენოთ დიდი ტაფა (24 სმ) და ერთიანად მოამზადოთ ორივე ულუფა. ან გაყავით და ცალ-ცალკე შეწვით.მაშ ასე, გაახურეთ ტაფაზე ზეთი და შეწვით დაჭრილი ნიორი. შემდეგ ამოიღეთ ნიორი, ის უკვე გაუშვებდა თავის არომატს.ტაფაზე გადაიტანეთ დაჭყლეტილი კარტოგილი, დაუმატეთ წვრილად დაჭრილი ოხრახუში, მოაყარეთ მარილი და წიწაკა. ჩანგლით კვლავ დაჭყლიტეთ ტაფაშივე კარტოფილი და მოასწორეთ, მიეცით ერთი მოზრდილი ბლინის ფორმა.შეწვით ძლიერ ცეცხლზე 5 წუთი, სანამ არ დაიბრაწება. გადმოაბრუნეთ. შეგიძლიათ, მოიშველიოთ დასაჭრელი ხის დაფა. დაბრაწეთ 5 წუთის განმავლობაში მეორე მხრიდანაც (შეგიძლიათ დაუმატოთ კიდევ ცოტა ცხიმი).მომზადებული კარტოფილი მაშინვე მიიტანეთ სუფრასთან. არაჟნით ან სხვა რომელიმე სოუსით.
