შემწვარი ქათამი სოკოსა და მდოგვის სოუსში
დრო
45წთ
ულუფა
6
სირთულე
საშუალო
შეინახე
რეცეპტი
შესანიშნავი რეცეპტი მათთვის, ვისაც დრო არ აქვს, რომ სადილები აკეთოს.
ინგრედიენტები
- ქათმის ბარკალი ან სხვა ნაწილები - 1 კგ
- ქამა სოკო - 200 გ
- ბულიონი - 230 მლ
- თეთრი მშრალი ღვინო - 100 მლ
- ნაღები - 80 მლ
- მდოგვი - 10 გ
- კარაქი - 30 გ
- ზეითუნის ზეთი - 10 მლ
- ნიორი - 30 გ
- ქონდარი - 20 გ
მომზადების წესები
კარგად გახურებულ ტაფაზე გაადნეთ კარაქი და დაუმატეთ ზეითუნის ზეთი.
ქათამი კარგად გარეცხეთ, შემდეგ ქაღალდის ხელსახოცით კარგად შეამშრალეთ – უფრო კარგად დაიბრაწება. შეწვით ტაფაზე ყველა მხრიდან.
მსხვილად დაჭერით ქამა სოკო და მოხრაკეთ იგივე ტაფაში.
დაუმატეთ 3 კბილი დაჭყლეტილი ნიორი და ჩაასხით ღვინო.
უმატეთ ქათმის ბულიონი და რამდენიმე სუფრის კოვზი მდოგვი.
მიიყვანეთ ადუღებამდე და დაუმატეთ ნაღები (ან არაჟანი).
ხარშეთ სოუსი 10-15 წუთი, სანამ არ შესქელდება. დაუმატეთ მარილი და პილპილი.
ჩაასხით მომზადებული სოუსი ცეცხლგამძლე ფორმაში. ფორმა იმხელა უნდა იყოს, რომ სოუსმა დაფაროს ფსკერი და ამოვიდეს 3 სანტიმეტრზე.
ჩააწყვეთ სოუსში შემწვარი ქათმის ნაჭრები და მოაყარეთ ქონდარი.
შედგით 180 გრადუსზე გახურებულ ღუმელში. გააჩერეთ 15-20 წუთი.
