შოკოლადის ტორტი ფქვილის გარეშე
შოკოლადის ტორტი ფქვილის გარეშე
დრო 45წთ
ულუფა 0
სირთულე საშუალო
შეინახე რეცეპტი
იმისათვის, რომ ეს კულინარიული შედევრი შექმნათ, აუცილებელი არ არის, განსაკუთრებული გამოცდილება გქონდეთ ამ სფეროში. საკმარისია სურვილი და სულ ცოტა ფანტაზია.

ინგრედიენტები

  • ვანილის ცომისთვის:
  • ნაღების ყველი (”ფილადელფია” ან მასკარპონე) - 230 გ
  • შაქარი - 2/3 ჭიქა
  • კვერცხი - 1 ცალი
  • ვანილის ექსტრაქტი - 1 ჩ/კ
  • შოკოლადის ცომისთვის:
  • შავი შოკოლადი - 280 გ
  • კარაქი - 150 გ
  • კვერცხი - 3 ცალი
  • შაქარი - 1/3 ჭიქა
  • მუქი რომი ან ყავა ესპრესო - 1 ს/კ
  • ვანილის ექსტრაქტი - 1 ჩ/კ
  • მარილი - დანის წვერით
  • კაკაო - სურვილისამებრ
მომზადების წესები
მომზადების წესი:
გაახურეთ ღუმელი 150 გრადუსზე. მოიმარჯვეთ ტორტის ფორმა და ჩააფინეთ მასში პერგამენტი.
მოამზადეთ ვანილის ცომი: საშუალო ზომის ჯამში ათქვიფეთ ნაღების ყველი, დაუმატეთ შაქარი და თქვიფეთ მის ბოლომდე გახსნამდე. დაუმატეთ მასას კვერცხი და ვანილის ექსტრაქტი, კვლავ კარგად ათქვიფეთ. გადადგით დროებით ვანილის ცომი გვერდით.
ახლა მოამზადეთ შოკოლადის ცომი: წყლის აბაზანაზე გაალღვეთ შოკოლადი კარაქთან ერთად, თან ურიეთ. მიქსერით 3-4 წუთის განმავლობაში თქვიფეთ კვერცხი, შაქარი, რომი (ესპრესო), ვანილის ექსტრაქტი და მარილი. შემდეგ დაბალი სიჩქარით ნელ-ნელა შეათქვიფეთ გამდნარი შოკოლადი და კარაქი.
მომზადებულ ფორმაში ჩაასხით შოკოლადის ცომის ნახევარი, ზემოდან კი მოასხით ვანილის ცომი და დარჩენილი შოკოლადის მასა. წვრილი ნივთით გაუკეთეთ შუაში ნაპრალი და ორნამენტები. ფორმა მსუბუქად დაარტყით მაგიდის ზედაპირს, რათა ცომში ბუშტუკები წარმოიქმნას.
შედგით ბისკვიტი ღუმელში და აცხვეთ 40-45 წუთის განმავლობაში. მომზადებული შოკოლადის ტორტი გააგრილეთ 30 წუთის განმავლობაში, შემდეგ ორი ბრტყელი თეფშის მეშვეობით გადმოიღეთ ფრთხილად ფორმიდან. შედგით ტორტი რამდნიმე საათით მაცივარში. სუფრასთან მიტანის წინ სურვილისამებრ მოაყარეთ კაკაოს ფხვნილი.

ტეგები:
ტორტი შოკოლადი ნანახია: 13705