ქათმის ბეფსტროგანოვი – არაჟნის ნაზ სოუსში
ქათმის ბეფსტროგანოვი – არაჟნის ნაზ სოუსში
დრო 40წთ
ულუფა 0
სირთულე საშუალო
შეინახე რეცეპტი
ქათმის ბეფსტროგანოვი ისევე მზადდება, როგორც საქონლის ხორცის, ოღონდ ბევრად უფრო სწრაფად.

ინგრედიენტები

  • ქათმის ფილე - 600 გ
  • არაჟანი - 2 ს/კ
  • ტომატპასტა - 1 ს/კ
  • ხახვი - 2 თავი
  • ფქვილი - 0,5 ჭიქა
  • ზეთი - 2 ს/კ
  • ბულიონი - (შეგიძლიათ წყალში გახსნილი ქათმის ბულიონის კუბი) 1,5 ჭიქა
  • მარილი და პილპილი - გემოვნებით
მომზადების წესები
მომზადების წესი:
გარეცხილი და გამშრალებული ქათმის ფილე დაჭერით დაახლოებით 1 სმ სისქის ნაჭრებად. ოდნავ დაბეგვეთ და კვლავ დაჭერით მოგრძო ნაჭრებად.
ახლა ვამზადებთ სოუსს. ამისათვის აიღეთ ქვაბი, ჩაასხით მასში არაჟანი და შეურიეთ ტომატპასტა და ბულიონი. დაამარილეთ და მოაყარეთ პილპილი. დადგით ცეცხლზე და მიიყვანეთ ადუღებამდე.
ქათმის ფილე ამოავლეთ ფქვილში და მოათავსეთ საწურში, რათა ზედმეტი ფქვილი დაიფერთხოს.
დაჭერით ხახვი და ოდნავ მოხრაკეთ ზეთიან ტაფაზე. შემდეგ დააყარეთ ხახვს ქათმის ფილე და ძლიერ ცეცხლზე ხრაკეთ 5-6 წუთის განმავლობაში. თან ურიეთ.
ახლა გადაიტანეთ ხორცი და ხახვი არაჟნის სოუსში და ხარშეთ დაბალ ცეცხლზე 20 წუთის განმავლობაში.
ბეფსტროგანოვი ძალიან უხდება კარტოფილის გარნირს, ან მაკარონსა და ბრინჯს.

ტეგები:
ქათმის ფილე ნანახია: 14335