არაჟანს შეათქვიფეთ შაქარი, ვანილი და სოდა ძმრით. დაუმატეთ ზეითუნის ზეთი და ნელ-ნელა ჩააყარეთ ფქვილი. მოზილეთ ნაზი ცომი და გაყავით 4 ნაწილად. გააბრტყელეთ თითოეული ნაწილი დაახლოებით 0,5-0,7 მმ-ზე და თეფშის მეშვეობით ამოჭერით წრე. ცომის დარჩენილი ჩამონაჭრებიდან კიდევ გააკეთეთ ცომი. სულ 6 ბისკვიტი უნდა გამოგივიდეთ. თითოეული ცომი დადეთ ცხელ, მშრალ ტაფაზე და დაჩხვლიტეთ ჩანგლით რადმენიმე ადგილას, რომ არ ამოფუვდეს. შეწვით ბისკვიტები საკმაოდ სწრა-სწრაფად. ყურადღება მიაქციეთ, რომ არ დაგეწვათ. ახლა მოამზადეთ კრემი. კარგად გარეცხეთ ლაიმი, მოაცილეთ ცედრა სახეხის მეშვეობით და გამოწურეთ წვენი. ათქვიფეთ მიქსერით კარგად ხაჭო, შედედებული რძე, ცედრა, ლაიმის წვენი. კრემი ზომიერად ტკბილი უნდა გამოვიდეს. თუ ძალიან ტკბილი იგიყვართ, შეგიძლიათ დაუმატოთ 2 სუფრის კოვზი შაქრის პუდრა. წაუსვით მომზადებული კრემი გაციებულ ბისკვიტებს, ზემოდან მორთეთ სურვილისამებრ. მაგალითად, გახეხილი შოკოლადით და ნუშით. შედგით ტორტი 2 საათით მაცივარში, შემდეგ კი შეგიძლიათ დაჭრათ და გემრიელად მიირთვათ.
