მომზადების წესი:ფქვილში აურიეთ გამაფხვიერებელი, ჩააჭერით კარაქი და აკეპეთ. შემდეგ დაუმატეთ არაჟანი და მოზილეთ ცომი.მომზადებული ცომი გაახვიეთ საკვების შესაფუთ ცელოფანში და შედეთ ნახევარი საათით მაცივარში. ამ ხნის განმავლობაში მოამზადეთ გულსართი. მიქსერით ათქვიფეთ არაჟანი, შაქარი, კვერცხი და ფქვილი იქამდე, სანამ შაქარი მთლიანად არ გადნება.გაფცქვენით ვაშლი, ამოაცალეთ გულები და დაჭერით თხელ ნაჭრებად, მოათავსეთ ჯამში და მოაწურეთ ნახევარი ლიმონის წვენი. კარგად აურიეთ, რათა ვაშლებს მთლიანად მოედოს ლიმონის წვენი.ამასობაში ცომი საკმარისად გაცივდებოდა, გამოიღეთ მაცივრიდან. წაუსვით კარაქი გამოსაცხობ ფორმას და ჩადეთ მასში ცომი, ხელით მიეცით ფორმა.ცომს ზემოდან მოაწყვეთ ვაშლები და მოასხით არაჟნის კრემით. გაახურეთ თუმელიი 180 გრადუსზე და შედგით ღვეზელი გამოსაცხობად დაახლოებით 40-50 წუთი. არ დაჭრათ ღვეზელი, სანამ არ გაცივდება.