მომზადების წესი:ქვაბში ჩაასხით არაჟანი და ჩაუმატეთ შაქარი. იმის გამო, რომ მასა დიდხანს უნდა ხარშოთ, ნუ გამოიყენებთ მინანქრის ქვაბს. დადგით ქვაბი საშუალო ცეცხლზე და მიიყვანეთ ადუღებამდე.თან განუწყვეტლივ ურიეთ.თავდაპირველად მასაში წვრილი ბუშტუკები გაჩნდება, შემდეგ შედედებულ რძეს დაემსგავსება. არ შეწყვიტოთ მორევა, განსაკუთრებით ფსკერიდან ამოურიეთ კარგად.შემდეგ მასა შეიცვლის ფერს და კრემისებური გახდება, ეს იმას ნიშნავს, რომ მალე ირისს მიიღებთ. თუკი გსურთ, რომ მუქი ფერის ირისი მიიღოთ, ცოტა მეტხანს ადუღეთ. მორევა თანდათან გაჭირდება, თუმცა მაინც უნდა შეეცადოთ, რომ ინტენსიურად ურიოთ.როცა სასურველ ფერს მიიღებთ, გადმოდგით ქვაბი გაზიდან, ჩააგდეთ კარაქი, ამოურიეთ და სწრაფად ჩაასხით წინასწარ კარაქწასმულ ფორმებში, ან უბრალოდ გადმოიღეთ სწორ ზედაპირზე და მოასწორეთ. სწრაფადვე გააკეთეთ სველი დანით ჩანაჭრები, რათა შემდგომ, როცა ირისი გაცივდება, არ გაგიჭირდეთ მისი დაჭრა.გააციეთ და დაჭერით სასურველი ზომის ნაჭრებად. ამ რაოდენობის ინგრედიენტებისგან გამოგივათ 260 გ ირისი.