მომზადების წესი:გაახურეთ ღუმელი 180 გრადუსზედაიწყეთ ღია ფერის ბისკვიტით: ერთ ჯამში ათქვიფეთ კეფირი, შაქარი, ფქვილი და სოდა. ჩაასხით ცომი ფორმაში, რომელშიც წინასწარ პერგამენტის ქაღალდს ჩააფენთ. მუქი ფერის ბისკვიტიც იგივე რეცეპტით გააკეთეთ, ოღონდ დაუმატეთ კაკაო.გამოაცხეთ ბისკვიტები ცალ-ცალკე, 25-25 წუთი, შემდეგ გააცივეთ.გაჭერით მუქი ბისკვიტი შუაზე – ერთი ნახევარი იქნება ტორტის საფუძველი, მეორე კი დაჭერით პატარა ნაჭრებად.ღია ფერის ბისკვიტიც დაჭერით პატარა ნაჭრებად. შეურიეთ მუქი ფერის ბისკვიტის ნაჭრებს. დაჭერით ბანანა არც ისე პატარა ნაჭრებად და ჩაყარეთ ტორტის ნაჭრებთან ერთად. დაასხით იოგურტი და აურიეთ.ძირითად ბისკვიტს დაადეთ მიღებული მასა, მიეცით მომრგვალებული ფორმა. ზემოდან მოასხით იოგურტი და შედგით მაცივარში რამდენიმე საათით.ახლა გაადნეთ შოკოლადი კარაქთან ერთად. დაჭერით ბანანი სიგრძეზე 2-3 ნაწილად, მოასხით შოკოლადის მინანქარი და დაალაგეთ ტორტზე. ზემოდან მოასხით დარჩენილი მინანქარი და მოაყარეთ თხილი ან ნიგოზი. აცადეთ ცოტა ხანს რომ გაუჯდეს ერთმანეთს ყველაფერი და შემდეგ გემრიელად მიირთვით.