ცხელი ნაპოლეონი სოკოსა და კარტოფილის გულსართით
ცხელი ნაპოლეონი სოკოსა და კარტოფილის გულსართით
დრო 15წთ
ულუფა 0
სირთულე საშუალო
შეინახე რეცეპტი
წარმოუდგენლად გემრიელი რამ არის! ერთი შეხედვით რთულად გასაკეთებელი ჩანს, თუმცა ეს რომ ასე არ არის, ახლავე დარწმუნდებით!

ინგრედიენტები

  • მზა ფენოვანი ცომი - 1 შეკვრა
  • კარტოფილი - 4 ცალი
  • ნაღები (ან არაჟანი) - 150 გ
  • ხახვი - 1 ცალი
  • გახეხილი ყველი - 100 გ
  • ქამა სოკო - 300 გ
  • სასურველი მწვანილი - 1 კონა
  • მარილი და პილპილი
  • ზეთი - 2 ს/კ
მომზადების წესები
მომზადების წესი:

მოხარშეთ კარტოფილი;

დაჭერით ხახვი ნახევარწრეებად და მოხრაკეთ 2-3 წუთი ზეთში. დაუმატეთ სოკო და კვლავ ხრაკეთ, სანამ მთელი წვენი არ ჩაშრება.

კარტოფილი ჩაჭყლიტეთ და შეურიეთ ნაღები.

კარტოფილის მასა შეურიეთ სოკოს მასას. დაუმატეთ წვრილად დაჭრილი მწვანილი, მარილი და პილპილი. კარგად აურიეთ. გულსართი მზად არის.

გააბრტყელეთ ცომი თხლად და დაჭერით 3- ან 4 სწორკუთხედებად! დააფინეთ ჟარონაზე 2-2 ფენა ცომი და აცხვეთ 200 გრადუსზე 12 წუთის განმავლობაში, ოდნავ შევარდისფრებამდე.

ახლა დადეთ ჟარონაზე 1 გამომცხვარი ფენა და გაანაწილეთ მასზე გულსართი, მოაყარეთ გახეხილი ყველი და დაადეთ მეორე გამომცხვარი ფენა, შემდეგ კვლავ გულსართი და კვლავ გამომცხვარი ფენა – ასე ბოლომდე. ბოლოს უნდა იყოს გამომცხვარი ცომის ფენა და მას მხოლოდ გახეხილი ყველი უნდა მოაყაროთ.

გამოაცხვეთ კიდევ 5 წუთი იგივე ტემპერატურაზე.