"გონიერი" ნამცხვარი, რომელიც თავად იყოფა 3 ფენად
+ N/A
"გონიერი" ნამცხვარი, რომელიც თავად იყოფა 3 ფენად
დრო 1წთ
ულუფა 0
სირთულე მარტივი
შეინახე რეცეპტი
მათ, ვისაც ჯერ არ გაუსინჯავს ეს საოცარი ნამცხვარი, აგიხსნით, რატომ ჰქვია "გონიერი". ყველა ინგრედიენტი ერთმანეთში ერევა და ვიღებთ თხევად ცომს, მაგრამ გამოცხობისას ის თავად იყოფა შრეებად და ვიღებთ 3 სხვადასხვა კონსისტენციის ფენას, მარტივად რომ ვთქვათ, გამოცხობის შედეგად იღებთ ტორტს ფენებს შორის კრემით.

ინგრედიენტები

  • შაქარი - 150 გ
  • ფქვილი - 115 გ
  • თბილი რძე - 500 მლ
  • კარაქი - 125 გ
  • კვერცხი - 4 კვერცხი
  • ვანილის ექსტრაქტი - 1 ჩ/კ
  • არაყი ან კონიაკი - 1 ს/კ
  • მწიკვი მარილი
მომზადების წესები
მომზადების წესი:

გაადნეთ კარაქი და გააგრილეთ ოთახის ტემპერატურამდე.

გააცალკევეთ კვერცხის გული და ცილა. ცილაში დაუმატეთ მწიკვი მარილი და ათქვიფეთ ღრუბელივით. თქვეფის პროცესში ჩაუმატეთ ერთი კოვზი შაქარი.

გული 1 წუთის განმავლობაში ათქვიფეთ დარჩენილ შაქართან ერთად. მასა უნდა გათაეთრდეს და მოიმატოს ზომაში.

დაუმატეთ კვერცხის გულისა და შაქარის მასას კონიაკი ან არაყი და კვლავ კარგად ათქვიფეთ. ისე რომ არ შეაჩეროთ თქვეფა, ჩაუმატეთ დარჩენილი კარაქი და ვანილი.

თქვიფეთ ერთი წუთი და ისე რომ არ შეაჩეროთ თქვეფა, დაუმატეთ ფქვილი და ნელ-ნელა ჩაასხით რძე.

ახლა დაუმატეთ ცილა, ამოურიეთ რამდენჯერმე ხელის ზამბრით. ჩომი საკმაოდ თხელი უნდა გამოვიდეს, ბლინების ცომივით.

ჩაასხით ცომი წინასწარ ცხიმწასმულ და ფქვილმოყრილ ფორმაში (სასურველია კერამიკულში), არ გამოიყენოთ დასაშლელი ფორმა, ცომი აუცილებლად გადმოიღვრება.

შედგით ნამცხვარი 160-170 გრადუსზე გახურებულ ღუმელში ერთი საათით. იმისათვის, რომ ბისკვიტი არ დაიბზაროს, შეგიძლიათ ღუმელის ტაფაზე, რომელზეც ფორმას დადგამთ, ჩაასხათ 1-2 ჭიქა წყალი.

სანამ ნამცხვარს ფორმიდან გადმოიღებდეთ, გააციეთ. ჯერ ოთახის ტემპერატურამდე, შემდეგ კი შეგიძლიათ შედგათ მაცივარში. სუფრასთან მიტანამდე მოაყარეთ შაქრის პუდრა.

ტეგები:
ნამცხვარი ფენები ნანახია: 29645