ბისკვიტი ორნაირი კრემით - ჩაინიშნეთ საახალწლოდ
ბისკვიტი ორნაირი კრემით - ჩაინიშნეთ საახალწლოდ
დრო 30წთ
ულუფა 0
სირთულე საშუალო
შეინახე რეცეპტი
გამოდის უნაზესი ტორტი შოკოლადისა და ვანილის კრემის არომატით. ნამდვილად დაამშვენებს საახალწლო სუფრას.

ინგრედიენტები

  • ბისკვიტისთვის:
  • კვერცხი - 10 ცალი
  • შაქარი - 10 ს/კ
  • ფქვილი - 10 ს/კ
  • მწიკვი მარილი
  • ვანილი - 1 შეკვრა
  • კრემისთვის:
  • რძე - 1 ლ
  • კვერცხი - 6 ცალი
  • შაქარი - 2 ჭიქა
  • ფქვილი - 1 ჭიქა
  • კარაქი - 500 გ
  • შესქელებული რძე - 200 მლ
  • ვანილი
  • კაკაო - 30 გ მოსაყრელად
  • შაქრის სიროფი - ბისკვიტის დასანამად
მომზადების წესები
მომზადების წესი:

ბისკვიტი


კვერცხის ცილას მოვაყაროთ მარილი და ავთქვიფოთ ბეზეს მასის მიღებამდე. დავუმატოთ შაქარი და სათითაოდ კვერცხის გულები. ბოლოს დავაცრათ ფქვილი და ვანილი და მსუბუქად ამოვურიოთ. საცხობ ფორმას მოვუსვათ კარაქი, ჩავასხათ ბისკვიტის მასა და გამოვაცხოთ წინასწარ 160-170 გრადუსზე გახურებულ ღუმელში 30-35 წუთით.

კრემი

კვერცხისა და შაქრისგან გავაკეთოთ გოგლიმოგლი, დავუმატოთ ფქვილი. რძე ავადუღოთ და ჩავასხათ მასში ათქვეფილი კვერცხისა და ფქვილის მასა. დაბალ ცეცხლზე ვხარშოთ სანამ ადუღდება, თან გაუჩერებლად ვურიოთ ხის კოვზით. კრემი გავყოთ 2 ტოლ ნაწილად.

ერთ ნაწილს შევურიოთ ვანილი, ხოლო მეორე ნაწილს კაკაო და გავაცივოთ ოთახის ტემპერატურაზე. დარბილებული კარაქი გავთქვიფოთ კარგად, შევურიოთ გაცივებული კრემი თითო-თითო კოვზი. ბოლოს წვრილ ზოლად დავუმატოთ შესქელებული რძე. მომზადებული კრემი გავაჩეროთ მაცივარში ნახევარი საათით. ბისკვიტი გავჭრათ შუაზე.

დავნამოთ წინასწარ მომზადებული სიროფით. ერთ ფენას გადავუსვათ კაკაოს კრემი, დავადოთ ბისკვიტის მეორე ფენა, დავნამოთ და გადავუსვათ ვანილის კრემი. ზემოდან შეგვიძლია კაკაო მოვაყაროთ. სასურველია ერთი ღამით მაცივარში გავაჩეროთ.

ჟურნალი "გემრიელი" (მე-11-ე ნომერი)
ტეგები:
ტორტი კრემი ბისკვიტი ნანახია: 14890