მომზადების წესი:საფუარი, მარილი და 1 ჭიქა ფქვილი ავურიოთ, დავასხათ თბილი რძე და ვურიოთ ერთგვაროვანი მასის მიღებამდე. შევურიოთ დარბილებული ან გამდნარი კარაქი, კვერცხი, დანარჩენი ფქვილი და ზეთიანი ხელებით მოვზილოთ ცომი. ფქვილი თანდათან ვუმატოთ, რომ ზედმეტი არ მოგვივიდეს. ცომი ჩავდოთ თასში, ცელოფანი გადავაკრათ და დავდგათ ასაფუებლად.ლობიო და ლორი ხორცსაკეპ მანქანაში გავატაროთ, შევანელოთ მარილითა და პილპილით.მზა ცომი დავყოთ 6-8 გუნდად, მოვათავსოთ გულსართი და შევკრათ. ზემოდან წავუსვათ გათქვეფილი კვერცხი და 200 გრადუსზე გახურებულ ღუმელში დაახლოებით 20 წუთის განმავლობაში გამოვაცხოთ, სანამ დაიბრაწება.ჟურნალი "გემრიელი"
