კარტოფილის კროკეტები გულსართით
კარტოფილის კროკეტები გულსართით
დრო 180წთ
ულუფა 4
სირთულე საშუალო
შეინახე რეცეპტი

ინგრედიენტები

  • ზეთი - 2 ს.კ
  • სახამებელი - 1 ს.კ
  • კვერცხი - 1
  • კარტოფილი - 4-5
  • სტაფილო - 1
  • ქინძი და ოხრახუში - 1 პატარა კონა
  • ხახვი - 2
  • მწვანე ხახვი - 2 ღერი
  • ღორის გული - 250 გ
  • ძირა - 1/2 ჩკ
  • მარილი და პილპილი
  • საფანელი - ამოსავლებად
  • ზეთი შესაწვავად
მომზადების წესები

ღორის გული დავჭრათ საშუალო ნაჭრებად და მოვხარშოთ.

ხახვი დავჭრათ წვრილად, ზეთში მოვშუშოთ და ორად გავყოთ.

კარტოფილი და სტაფილო კანიანად მოვხარშოთ, სტაფილო გავხეხოთ. ხოლო კარტოფილი გავფცქვნათ და ხახვის ერთ ნაწილთან ერთად ხორცსაკეპ მანქანაში გავატაროთ, დავუმატოთ მარილი, კვერცხი, სახამებელი და კარგად ავურიოთ. უნდა მივიღოთ ცომის მსგავსი სქელი მასა.

ღორის გული შევაგრილოთ და ხახვთან და მწვანილებთან ერთად გავატაროთ ხორცსაკეპ მანქანაში. ხორცის ფარშს შევურიოთ გახეხილი სტაფილო. დავუმატოთ სანელებლები. კარტოფილის მასა დავყოთ კაკლისოდენა გუნდებად, თითოეული ხელზე გავაბრტყელოთ და გულში მოვასთავსოთ ხორცის ფარში. შემდეგ ამოვავლოთ საფანელში და შევწვათ ფრიტიურში, სანამ არ გაოქროსფერდება.
მივირთვათ რომელიმე მომჟავო-მოტკბო საწებელთან ერთად.

თუ ღორის გული არა გვაქვს, შეგვიძლია ნებისმიერი ხორცის ფარში გამოვიყენოთ. ვეგეტარიანელებს კი გულსართად სოკოს ან მოშუშული ბოსტნეულის გამოყენება შეუძლიათ.
 

ტეგები:
კარტოფილი ხორცი ხორცეული ნანახია: 71512