როგორ მოვამზადოთ იდეალური ჩიზქეიქი: ოქროს რეცეპტი
როგორ მოვამზადოთ იდეალური ჩიზქეიქი: ოქროს რეცეპტი
დრო 30წთ
ულუფა 0
სირთულე საშუალო
შეინახე რეცეპტი
ჩიზქეიქის უამრავი რეცეპტი არსებობს. დღეს გთავაზობთ ერთ-ერთ საუკეთესოს – ნიუ-იორკის კლასიკური ჩიზქეიქის რეცეპტს მოცხარით. გპირდებით, მის წინაშე უძლური აღმოჩნდებით!

მომზადების დაწყებამდე, დარწმუნდით, რომ ყველა ინგრედიენტი ოთახის ტემპერატურის არის, თორემ დესერტი შეიძლება არ გამოვიდეს.

ინგრედიენტები

  • ბისკვიტისთვის:
  • დაფქული თხილი ან ნუში - 1/2 ჭიქა
  • დაფქული ვაფლი (უკრემო) - 1/2 ჭიქა
  • კრეკერი ან ფხვიერი ნამცხვარი - 1/2 ჭიქა
  • გამდნარი კარაქი - 2 ს/კ
  • გულსართისთვის:
  • ნაღების ყველი (”ფილადელფია” ან მასკარპონე) - 700 გ
  • შაქარი - 1 1/3 ჭიქა
  • კვერცხი - 5 ცალი
  • არაჟანი - 500 მლ
  • ვანილის ექსტრაქტი - 2 ჩ/კ
  • ლიმონის წვენი - 2 ჩ/კ
  • მოცვის მოსასხმელი: - (სურვილისამებრ)
  • მოცვი (გაყინული ან ახალი) - 1 ჭიქა
  • შაქარი - 2 ს/კ
  • ლიმონის წვენი - 2 ს/კ
  • ლიმონის ცედრა - 1 ჩ/კ
  • სიმინდის სახამებელი - 1/2 ს/კ
მომზადების წესები
მომზადების წესი:

გაახურეთ ღუმელი 160 გრადუსზე და ჩიზქეიქის ფორმას წაუსვით გამდნარი კარაქი.

ჯერ ვამზადებთ ბისკვიტს. ამისათვის საშუალო ზომის ჯამში ერთმანეთში აურიეთ დაქუცმაცებული ნუში, კრეკერი, ვაფლი და გამდნარი კარაქი. კარგად აურიეთ ყველაფერი და გადაიტანეთ მიღებული მასა მომზადებულ ფორმაში. ძლიერი დაწოლით გაანაწილეთ მასა ფორმის ფსკერზე და გაუკეთეთ ჩიზქეიქისთვის ბორტები.

ახლა გავაკეთოთ გულსართი. ამისათვის ათქვიფეთ ნაღების ყველი ბლენდერით ჰაეროვანი მასის მიღებამდე. დაუმატეთ შაქარი და კვლავ ათქვიფეთ. სათითაოთ შეათქვიფეთ კვერცხი. დაუმატეთ ფქვილი, ვანილი, ლიმონის წვენი და კარგად ათქვიფეთ. ოდნავ დაარტყით ჯამი მაგიდას, რათა მასა გათავისუფლდეს ჰაერის ბუშტუკებისგან.

გადაიტანეთ გულსართი ბისკვიტზე, გაანაწილეთ თანაბრად. შედგით ღუმელში ნახევარი საათით.

გამორთეთ ღუმელი, მაგრამ ჩიზქეიქი დატოვეთ იქვე 1 საათით.

გამოიღეთ ჩიზქეიქი ღუმელიდან და აცადეთ გაგრილდეს, სანამ მაცივარში შედგამდეთ. მაცივარში მან 12 საათი უნდა დაჰყოს.

მოამზადეთ მოცვის მოსასხმელი. ამისათვის კენკრა, ლიმონის წვენი, შაქარი და ცედრა მოათავსეთ პატარა ქვაბში და დადგით საშუალო ცეცხლზე. გააჩერეთ ცეცხლზე 5 წუთი, თან შეუჩერებლად ურიეთ. დაუმატეთ სიმინდის სახამებელი და ხარშეთ იქამდე, სანამ სოუსი ცოტათი არ გასქელდება. გამორთეთ, შეაგრილეთ და მოასხით ჩიზქეიქს ზემოდან.

ტეგები:
ჩიზქეიქი ნანახია: 12228