საოცრად გემრიელი და ჰაეროვანი ტორტი "ჩიტის რძე"
საოცრად გემრიელი და ჰაეროვანი ტორტი "ჩიტის რძე"
დრო 0წთ
ულუფა 0
სირთულე საშუალო
შეინახე რეცეპტი

ინგრედიენტები

  • ბისკვიტისთვის:
  • კვერცხის ცილა - 7 ცალი
  • შაქარი - 1 ჭიქა
  • ფქვილი - 2 ს/კ
  • კაკაო - 1 ს/კ
  • კრემისთვის:
  • კვერცხის გული - 7 ცალი
  • შაქარი - 0,5 ჭიქა
  • რძე - 0,5 ჭიქა
  • კარაქი - 250 გ
  • შოკოლადის მინანქრისთვის:
  • კაკაო - 2 ს/კ
  • შაქარი - 4 ს/კ
  • ნაღები ან რძე - 4 ს/კ
  • კარაქი - 50 გ
მომზადების წესები
მომზადების წესი:

ბისკვიტი: ათქვიფეთ ცილა ერთ ჭიქა შაქართან ერთად მკვრივი მასის მიღებამდე, ჯამის გადმობრუნებისას, რომ არ გადმოვიდეს. შემდეგ დაუმატეთ ფქვილში არეული კაკაო და კვლავ ათქვიფეთ. წაუსვით ტორტის ფორმას ცხიმი და ჩაასხით მასა. შედგით 200 გრადუსზე გახურებულ ღუმელში 15-20 წუთით. უნდა ამოვიდეს და მოიბრაწოს. შემდეგ გამოიღეთ ღუმელიდან და ფორმაშივე გააცივეთ.

კრემი:
7 კვერცხის გული ათქვიფეთ შაქართან ერთად, დაუმატეთ რძე და დადგით გაზე, თან ურიეთ, სანამ შაქარი მთლიანად არ გადნება და მასა არ გასქელდება. როგორც კი წამოდუღდება, გადმოდგით ცეცხლიდან და გააცივეთ. დაუმატეთ კარაქი და ათქვიფეთ მასის გაორმაგებამდე და გაფუებამდე. შედეგად უნდა მიიღოთ ფაფუკი, მსუბუქი კრემი.
მომზადებული კრემი წაუსვით შუაზე გაჭრილ ბისკვიტს და შედგით მაცივარში ცოტა ხნით.

მინანქარი:
კაკაო, შაქარი და რძე აურიეთ ერთმანეთში და დადგით დაბალ ცეცხლზე, თან ურიეთ, სანამ შაქარი მთლიანად არ გადნება. გადმოდგით ცეცხლიდან, გააგრილეთ და შეათქვიფეთ დარბილებულ კარაქს. მოასხით მინანქარი ტორტს ზემოდან. კვლავ შედგით რამდენიმე საათით მაცივარში. იდეალურია, თუ მეორე დღეს გაჭრით.

ტეგები:
ტორტი ჩიტის რძე ნანახია: 50951