ღორის თავ-ფეხის ლაბასხმული ("ხალადეცი")
ღორის თავ-ფეხის ლაბასხმული ("ხალადეცი")
დრო 10წთ
ულუფა 15
სირთულე რთული
შეინახე რეცეპტი
ლაბასხმული საქართველოში ტრადიციულად საახალწლოდ მზადდება. ჩვენთან ეს კერძი რუსული სახელით Холодец-ით არის ცნობილი.

ინგრედიენტები

  • ღორის თავ-ფეხი - საშუალო ზომის 1 ცალი
  • დაფნის ფოთოლი - 5-8 ცალი
  • მარცვალი ბაჰარი - 10 ცალი
  • დაჭყლეტილი ნიორი - 1 მოზრდილი თავი
  • მიხაკი - 6-8 ცალი
  • დარიჩინის ჩხირი - 1-2 ცალი (დაფქული)
  • მარილი და პილპილი - გემოვნებით
მომზადების წესები
მომზადების წესი:

ღორის თავი და ფეხები გავასუფთავოთ, დავჭრათ და ძალიან კარგად მოვხარშოთ. ხორცი თავისით უნდა სცილდებოდეს ძვლებს. ხორცი ამოვიღოთ, წვენი გადავწუროთ, რომ ძვლის პატარა ნამტვრევებისგან გასუფთავდეს, ჩავუმატოთ ნიორი, სანელებლები და ვხარშოთ.

როცა წვენი კარგად მოიხარშება, ცოტა ჩავასხათ პატარა ფიალაში და გავაცივოთ, თუ კარგად შეიკრა გაცივებისას, მზადაა. მანამდე კი, სანამ წვენი მომზადდება, ხორცი დავჭრათ პატარა ნაჭრებად და გადავანაწილოთ ფორმებში. მომზადებული წვენი დავასხათ ხორცს და კარგად გავაცივოთ. გადმოღებისას გვერდები დანით შემოვუხსნათ. თუ ლაბასხმული ადვილად არ გადმოდის ჭურჭლიდან, ჭურჭელი რამდენიმე წამით ჩავდოთ მდუღარე წყალში და შემდეგ ამოვიღოთ თეფშზე.

რჩევა
თუ სითხე არ შესქელდა და ჟელედ არ იქცა, მაშინ 15 გ ჟელატინი ცოტა ცივ წყალში დავალბოთ 30 წუთის განმავლობაში, დავუმატოთ ნახარშს და ადუღებამდე მივიყვანოთ.

ჟურნალი "გემრიელი" (მე-12 ნომერი)

ტეგები:
ღორის ხორცი ლაბა ხალადეცი ნანახია: 30891