მომზადების წესი:ვაშლი გარეცხეთ, გამოაცალეთ გული და დაჭერით კუბიკებად. ჩაყარეთ ლიტრიან ქილაში, დაასხით წყალი ისე, რომ ოდნავ დაფაროს ვაშლი. დააფარეთ ქილას მარლა და გააჩერეთ 5-7 დღე ოთახის ტემპერატურაზე. პერიოდულად ამოურიეთ, რათa ვაშლმა ობი არ მოიდოს.5-7 დღის შემდეგ ვაშლის ბურახი მზად არის. ვაშლი არ დაგჭირდებათ, შეგიძლიათ გადაყაროთ. წვენი რა თქმა უნდა, ცომის მთავარი ინგრედიენტი იქნება.ჯამში ჩაასხით ბურახი და ჩაყარეთ იმდენი ფქვილი, რომ სქელი არაჟნის კონსისტენცია მიიღოთ. გადააფარეთ ჩაის ტილო ჯამს და გააჩერეთ ცომი 12 საათი (მთელი ღამით უკეთესია). 12 საათის გასვლის შემდეგ ჩაუმატეთ ამ მასას ფქვილი იმდენი, რომ მოზილოთ ნაზი ცომი, ისეთი, როგორსაც ღვეზელებისთვის აკეთებთ. გადააფარეთ კვლავ ჩაის ტილო და ახლა გააჩერეთ 2 საათი ოთახის ტემპერატურაზე. ცომი ისე უნდა გაფუვდეს, რომ ორჯერ მეტი გახდეს მოცულობაში. შემდეგ გადააფარეთ ზეთწასმული საკვების შესაფუთი ცელოფანი (რომ არ მიეკროს ცომს) და შედგით მაცივარში 2 დღით.ცომი მზად არის. შეგიძლიათ გამოაცხოთ როგორც პური, ასევე ფუნთუშები, ღვეზელები და რაც მოგესურვებათ.
