მომზადების წესი:ათქვიფეთ კვერცხი, შაქარი და თაფლი დაახლოებით 10 წუთის განმავლობაში, სქელი, თეთრი მასის მიღებამდე. მასამ დაახლოებით 4-ჯერ უნდა მოიმატოს მოცულობაში.შემდეგ ფრთხილად და ნელ-ნელა ჩაყარეთ ფქვილი, ამოურიეთ ხის კოვზით ქვემოდან ზევით. აცხვეთ 170-180 გრადუსზე ბისკვიტის გამოშრობამდე. გააცივეთ ფორმაშივე!შემდეგ მოატარეთ დანა ფორმის კიდეებზე. გადმოიღეთ ფრთხილად ბისკვიტი და გაჭერით 3 ნაწილად. წაუსვით ფენებს შორის მოხარშული შედედებული რძე (შეგიძლიათ ათქვიფოთ კარაქთან ან არაჟანთან ერთად). ზედა ფენასაც წაუსვით კრემი და მოასხით შოკოლადის მინანქარი (შოკოლადი გაადნეთ წყლის აბაზანაზე, ჩაგდეთ ცხელშივე კარაქი და კარგად აურიეთ). ბოლოს მოაყარეთ დაჭრილი ნიგოზი. შედგით ცოტა ხნით მაცივარში, რათა კრემი გაუჯდეს ბისკვიტს, შემდეგ კი დაჭერით.
