ყველაზე გემრიელი დესერტი, რაც კი აქამდე გაგისინჯავთ -ეგვიპტური ტორტი
ყველაზე გემრიელი დესერტი, რაც კი აქამდე გაგისინჯავთ -ეგვიპტური ტორტი
დრო 1წთ
ულუფა 0
სირთულე რთული
შეინახე რეცეპტი

ინგრედიენტები

  • ბისკვიტისთვის: - (ინგრედიენტები მოცემულია 1 ფენისთვის)
  • კვერცხის ცილა - 3 ცალი
  • შაქარი - 3 ს/კ
  • ფქვილი - 1 ს/კ
  • გატარებული ნიგოზი - 50-70 გ
  • კრემისთვის:
  • კვერცხის გული - 10 ცალი
  • შაქარი - 10 ს/კ
  • ფქვილი - 6 ს/კ
  • ვანილი - 2 შეკვრა
  • რძე - 350 გ
  • კარაქი - 170 გ
  • კარამელის ხრაშუნა ფენისთვის:
  • ნაღები - 350 გ
  • შაქარი - 200 გ
  • დაჭრილი ნიგოზი - 120 გ
მომზადების წესები
მომზადების წესი:

ჯერ მოამზადეთ კრემი: ამისათვის კვერცხის გული ათქვიფეთ შაქართან ერთად, დაუმატეთ ფქვილი, ვანილი და რძე. დადგით ცეცხლზე და მიიყვანეთ კრემი ადუღებამდე, თან გამუდმებით ურეით. როგორც კი ადუღდება, მაშინვე გამორთეთ და კიდევ 2 წუთი ურიეთ.

გააგრილეთ. დაჭერით კარაქი პატარა ნაჭრებად და დაუმატეთ კრემის მასა, ათქვიფეთ მიქსერით ერთგვაროვანი მასის მიღებამდე.

2. სანამ კრემი ცივდება, დაიწყეთ ბისკვიტის კეთება.

ათქვიფეთ ცილა ღრუბელივით, დაუმატეთ შაქარი და კვლავ ათქვიფეთ მკვრივი მასის მიღებამდე. დაუმატეთ ფქვილი და გატარებული ნიგოზი, ხის კოვზით ფრთხილად ამოურიეთ ერთგვაროვანი მასის მიღებამდე. გადაიტანეთ ცომი ქაღალდჩაფენილ ან კარაქწასმულ ფორმაში. აცხვეთ წინასწარ 170 გრადუსზე გახურებულ ღუმელში 20 წუთი. გააგრილეთ.

სულ უნდა გამოაცხოთ 3 ასეთი ბისკვიტი. ბისკვიტისთვის მოცემული ინგრედიენტები თითო ფენაზეა გათვლილი. გამოაცხვეთ სათითაო ბისკვიტი.

3. გაადნეთ შაქარი ქვაბში, ოდნავ დააკარამელეთ. შემდეგ სწრაფადვე გადაიტანეთ პერგამენტის ქაღალდზე. შაქარი უცებ გამაგრდება. გადააფარეთ ზემოდან კვლავ პერგამენტის ქაღალდი და გადაატარეთ ცომის გასაბრტყელებელი, კარამელი დაიფხვნება. ეს დაგვჭირდება ხრაშუნა ფენისთვის.

4. ათქვიფეთ ნაღები მკვრივი ქაფის მიღებამდე. შეურიეთ მას დაფხვნილი კარამელი და დაჭრილი ნიგოზი.

5. თითოეულ ბისკვიტს წაუსვით 1/3 მოხარშული კრემი.

6. ზემოდან წაუსვით კარამელის მასა.
და ასე გააგრძელეთ შემდეგ ფენებზე: ბისკვიტი, მოხარშული კრემი, კარამელის მასა.

7. ბოლოს ტორტს მთლიანად წაუსვით კარამელის მასა. მორთეთ ნიგვზებით.


ტეგები:
ტორტი კრემი კარამელი ბისკვიტი ნანახია: 113514