ყავისა და თხილის საოცარი ტორტი ფქვილის გარეშე
ყავისა და თხილის საოცარი ტორტი ფქვილის გარეშე
დრო 0წთ
ულუფა 0
სირთულე რთული
შეინახე რეცეპტი
ეს უგემრიელესი ტორტი აბსოლუტურად უფქვილოდ მზადდება. სამაგიეროდ აქვს ყავით გაჯერებული არომატი და ჰაეროვანი კრემი, რომელიც პირში დნება!

ინგრედიენტები

  • საფანელი - 2 ს/კ
  • თხილი ან ნიგოზი - დაფქული, 200 გ
  • შაქარი - 125 გ
  • კვერცხი - 6 ცალი
  • ბისკვიტისთვის:
  • ყავა - 1 ს/კ, დაფქული
  • გამაფხვიერებელი - 1/2 ჩ/კ
  • კრემისთვის:
  • ნაღები 20-33% - 500 მლ
  • რძიანი შოკოლადი - 100 გ
  • შაქრის პუდრა - 2 ს/კ
  • ყავის ლიქიორი - 2 ს/კ
  • მაგარი ყავა - 2 ს/კ
  • დასანამად:
  • გადადუღებული წყალი - 50 მლ
  • ყავის ლიქიორი ან ბეილისი - 50 მლ
  • მოსართავად:
  • რძიანი შოკოლადი - 80-100 გ
  • ყავის მარცვლები
მომზადების წესები
მომზადების წესი:

გაახურეთ ღუმელი 170 გრადუსზე.

16-18 სმ დიამეტრიც ტორტის ფორმას წუასვით კარაქი, დააფინეთ პერგამენტის ქაღალდი.
დაფქვით თხილი კომბაინში, შეურიეთ საფანელი, ყავა და გამაფხვიერებელი. გაცერით მიღებული ნარევი წვრილ საცერში.

ათქვიფეთ შაქარი და კვერცხი გათეთრებამდე. ხის ნიჩბით შეურიეთ გაცრილი მასა.

გადაიტანეთ ფორმაში ცომი, ოდნავ დაარტყით ფორმა მაგიდას, რათა მასა კარგად "დაჯდეს". აცხვეთ ბისკვიტი 50 წუთის განმავლობაში. მზაობა შეამოწმეთ ხის ჩხირით.

გადმოიტენთ გამომცხვარი და ფორმაშივე გაგრილებული ბისკვიტი სასურველ ზედაპირზე და გაჭერით 3 ნაწილად.

კრემის მოსამზადებლად შოკოლადი მოათავსეთ ჯამში, დაუმატეთ ყავა და ლიქიორი და დადგით წყლის აბაზანაზე, ისე, რომ არ შეწყვიტოთ მორევა, გაადნეთ შოკოლადი მთლიანად და მიიღეთ ერთგვაროვანი მასა. გააგრილეთ ოთახის ტემპერატურაზე.

ათქვიფეთ ნაღები და შაქრის პუდრა ჰაეროვანი ღრუბელის მასის მიღებამდე, მოუმატეთ მიქსერის სიჩქარე მაქსიმალურად და შეათვიფეთ შოკოლადის მასა. დიდხანს არ თქვიფოთ.
კრემი შეიძლება ძალიან გასქელდეს.

გადაიტანეთ ცოტაოდენი კრემი საკონდიტრო ტომარაში. ბისკვიტის პირველ ნაწილი დანამეთ (დასანამად ადუღებულ წყალში გახსენით ბეილისი და გააგრილეთ), წაუსვით 1/3-ზე ცოტა ნაკლები კრემი, დაადეთ ზემოდან ბისკვიტის მეორე ნაწილი, კვლავ დანამეთ და წაუსვით იგივე რაოდენობის კრემი. შემდეგ დაადეთ ბისკვიტის ბოლო ნაწილი.

დარჩენილი კრემით დაფარეთ ტორტის ზედაპირი და გვერდები. გახეხეთ შოკოლადი და მორთეთ ტორტის გვერდები. საკონდიტრო ტომარაში გადატანილი კრემით დაასვით ტორტის ზედაპირს ფორმები და თითოეულზე დაადეთ ყავის მარცვალი.

ტეგები:
ტორტი თხილი ყავა ნანახია: 30705