კვერცხის ცილა და გული გავაცალკევოთ. ცილა კარგად გავთქვიფოთ 1 ს.კ. შაქართან ერთად. ცალკე ავთქვიფოთ დანარჩენი შაქარი და კვერცხის გულები, დავუმატოთ დარბილებული მარგარინი, ნაღები, ვანილი, ფქვილში არეული გამაფხვიერებელი ფხვნილი და ბოლოს ფრთხილად შევურიოთ გათქვეფილი ცილა. ფორმას წავუსვათ კარაქი, მოვაყაროთ ჯერ მანანის ბურღული, შემდეგ შაქარი და ზედ დავაწყოთ თხლად დაჭრილი ფორთოხალი. ფორთოხლებს დავასხათ ცომი და შევდგათ 180 გრადუსზე გახურებულ ღუმელში მომზადებამდე. მზა ნამცხვარი ოდნავ შევაგრილოთ და ფრთხილად გადმოვაბრუნოთ. თუ ძირზე მიეკრო, რამდენიმე წამით ფორმა ჩავდოთ ცივ წყალში, დანით შემოვხსნათ გვერდები და ისე გადმოვატრიალოთ. მზა ფორთოხლის ნამცხვარს მოვაყაროთ შაქრის პუდრი.