ყველი ქონდრითა და ზეითუნის ზეთით
ყველი ქონდრითა და ზეითუნის ზეთით
დრო 5წთ
ულუფა 1
სირთულე მარტივი
შეინახე რეცეპტი
ამ უგემრიელესი საუზმის მომზადება ძალიან ადვილია. ამისთვის დაგვჭირდება ფეტას ტიპის ყველი, თუმცა ასევე საინტერესო იქნება მის ნაცვლად ახალი სულგუნის გამოყენებაც. რაც შეეხება ქონდარს – მის ნაცვლად შეგვიძლია ხმელი რეჰანი, შაშკვლავი ან პიტნა გამოვიყენოთ. თუ ცივი გამოხდის ზეითუნის ზეთი არ გვექნება, სხვა ზეთით ჩავანაცვლოთ. ყურძნის წიპწის ზეთი ამგვარ საუზმეს ორიგინალურ არომატულ ტონებს შესძენს. ასე შეზავებული ყველი ძალიან უხდება გახუხულ პურს.

ინგრედიენტები

  • ფეტას ტიპის ყველი - 2 ნაჭერი
  • ცივი გამოხდის ზეითუნის ზეთი - 1 ს/კ
  • ხმელი ქონდარი
  • ნიორი - 1-2 კბილი
მომზადების წესები
მომზადების წესი:

ყველი მოვათავსოთ თეფშზე, ზედ დავაწყოთ თხლად დაჭრილი ნიორი, მოვაყაროთ ქონდარი და მოვასხათ ზეითუნის ზეთი.

ჟურნალი "გემრიელი" (იანვრის ნომერი)