კარტოფილის სალათა ქონდრისა და ნივრის არომატული ზეთით
კარტოფილის სალათა ქონდრისა და ნივრის არომატული ზეთით
დრო 0წთ
ულუფა 0
სირთულე მარტივი
შეინახე რეცეპტი
რჩევა: გირჩევთ ზეთი მოამზადოთ 3-4 დღით ადრე. არომატული და სასარგებლო ზეთი შეგვიძლია გამოვიყენოთ სალათების შესაკაზმად, მივირთვათ გახუხულ პურსა და ყველთან ერთად. დავუმატოთ სხვადასხვა წვნიანსა და საუზმეს. 

არომატული ზეთის მომზადება
ზეთში მოვათავსოთ გასუფთავებული, შუა-შუა დაჭრილი ნიორი, ქონდარი და შევინახოთ 3-4 დღით, რომ არომატი გაუჯდეს.

ინგრედიენტები

  • მოხარშული კარტოფილი - 300 გ
  • მწვანე ხახვი - 4-5 ღერი
  • პრასი - 1 ღერი (მხოლოდ თეთრი ნაწილი)
  • კამა - 1 პატარა კონა
  • ძმარი ბალზამიკო - 1 ს/კ
  • მარილი და პილპილი
  • სურნელოვანი ზეთისთვის:
  • ზეითუნის ზეთი - 500 მლ
  • ხმელი ქონდარი - 1 ს/კ
  • ნიორი - 4-5 კბილი
მომზადების წესები
მომზადების წესი:

კარტოფილი გავფცქვნათ და საშუალო ზომის ნაჭრებად დავჭრათ. თუ პატარა ზომისაა, შუა-შუა გავჭრათ.

პრასი, მწვანე ხახვი და კამა წვრილად ავკეპოთ.

კარტოფილი მოვათავსოთ ჯამში, დავაყაროთ მწვანილი, მარილი და პილპილი. მოვასხათ სურნელოვანი ზეთი და ბალზამიკო.
ტეგები:
კარტოფილი სალათა ზეთი ნანახია: 6096