ტკბილი ფლავი ყავისფერი ბრინჯით
ტკბილი ფლავი ყავისფერი ბრინჯით
დრო 50წთ
ულუფა 4
სირთულე საშუალო
შეინახე რეცეპტი

ამ ფლავის მოსამზადებლად მრგვალი ყავისფერი ბრინჯია საჭირო. სხვაგვარად ინდურ ყავისფერ ბრინჯსაც ეძახიან. ბრინჯის ეს სახეობა სხვებთან შედარებით მაგარია და მეტ მოხარშვას საჭიროებს, თუმცა ძალიან გემრიელი და ძალიან სასარგებლოა. ამ სახეობის ბრინჯის შეძენა სუპერმარკეტებსა და სპეციალიზებულ მაღაზიაში შეგვიძლია.

ინგრედიენტები

  • ყავისფერი ბრინჯი - 1 ჭიქა
  • წყალი - 3 ჭიქა
  • კარაქი - 1 სავსე ს/კ
  • მარილი - 1/3 ჩ/კ
  • თეთრი ქიშმიში - 0,5 ჭიქა
  • შავი ქლიავის ჩირი - 0,5 ჭიქა
  • თაფლი, თხევადი - მოსასხმელად
მომზადების წესები

მომზადების წესი:

ბრინჯი გავრეცხოთ და კარაქში მოვშუშოთ 2-3 წუთის განმავლობაში. დავუმატოთ ჩირები და ერთად ვშუშოთ.
დავასხათ ცხელი წყალი, დავუმატოთ მარილი და თავდახურული 20-25 წუთი ვხარშოთ, შემდეგ შევფუთოთ მოზრდილ ტილოში და დავაყოვნოთ 20-30 წუთის განმავლობაში.
ფლავს სუფრაზე გატანის წინ მოვასხათ თაფლი. თუ თაფლი ძალიან სქელი იქნება, ცოტაოდენი წყლით გავაზავოთ.

ჟურნალი "გემრიელი"

ტეგები:
ფლავი ჩირები ნანახია: 16262