ვაშლის მარტივი ნამცხვარი დარიჩინით
ვაშლის მარტივი ნამცხვარი დარიჩინით
დრო 45წთ
ულუფა 10
სირთულე საშუალო
შეინახე რეცეპტი

ინგრედიენტები

  • წითელი ვაშლი - 3 ცალი, დიდი ზომის
  • შაქარი - 2 ს/კ
  • კარაქი - 2 ს/კ + 1 ჩ/კ ფორმისთვის
  • კონიაკი (ან ბრენდი) - 1 ს/კ
  • ბისკვიტისთვის:
  • კვერცხი - 4 ცალი
  • ფქვილი - 1.5 ჭიქა
  • შაქარი - 250 გ
  • მაწონი - 1/3 ჭიქა
  • კარაქი - 80 გ
  • ვანილი - მწიკვი
  • გამაფხვიერებელი - 1 ს/კ
  • დარიჩინი
  • შაქრის პუდრა
მომზადების წესები
მომზადების წესი:

ვაშლი ძალიან თხელ ფირფიტებად დავჭრათ კანიანად და ჩავალაგოთ 2 ფენად კარაქწასმულ ფორმაში.

კარაქი გავადნოთ სქელძირიან ტაფაზე ან ქვაბში, დავუმატოთ შაქარი და მოვურიოთ. როცა ადუღდება, დავასხათ ბრენდი, ამოვურიოთ და დავასხათ ვაშლს.

კარაქი და შაქარი ავთქვიფოთ, დავუმატოთ კვერცხი, მაწონი, ვანილი, გამაფხვიერებელი და ფქვილი. თუ ცომი ოდნავ თხელი იქნება 1-2 ს.კ. ფქვილი კიდევ დავუმატოთ.

ცომი დავასხათ ვაშლს და 170 გრადუსზე გახურებულ ღუმელში დაახლოებით 25 წუთი ვაცხოთ.

მზა ნამცხვარი ცოტა ხნით გავაჩეროთ ფორმაში, შემდეგ დავაფაროთ ლანგარი და ისე გადმოვიღოთ, რომ ძირი ზემოდან მოექცეს.

ნამცხვარს მოვაფრქვიოთ ერთად არეული შაქრის პუდრი და დარიჩინი.

ჟურნალი "გემრიელი"
ტეგები:
ნამცხვარი ვაშლი დარიჩინი ნანახია: 7052