მომზადების წესი: ათქვიფეთ კვერცხი და შაქარი გათეთრებამდე. დაუმატეთ ნელ-ნელა ფქვილი, თან შეუჩერებლად ურიეთ. შემდეგ დაუმატეთ დარბილებული კარაქი და თაფლი. ცომი ერთგვაროვანი უნდა იყოს. გაახურეთ ღუმელი 180 გრადუსზე. წაუსვით თუნუქის ფირფიტას კარაქი და დაასხით ცომი, კარგად გაანაწილეთ. აცხვეთ 10-15 წუთი. ცომი მხოლოდ უნდა ამოვიდეს და ოდნავ დაიბრაწოს. გააგრილეთ ბისკვიტი და წაუსვით ათქვეფილი ნაღები. დააწყვეთ ერთ სიგრძეზე თხლად დაჭრილი ბანანა და მჭიდროდ გადაახვიეთ რულეტად. მოაყარეთ რულეტს შაქრის პუდრა. სურვილისამებრ შეგიძლიათ მორთოთ დაჭრილი ცუკატებით, გახეხილი შოკოლადით ან კენკრით.