Starbucks-ის ცნობილი შვრიის ორცხობილა
Starbucks-ის ცნობილი შვრიის ორცხობილა
დრო 15წთ
ულუფა 12
სირთულე საშუალო
შეინახე რეცეპტი

ინგრედიენტები

  • შაქარი - 50 გ
  • კვერცხი - 1 ცალი
  • გამაფხვიერებელი - 15 გ
  • ფქვილი - 1 ჭიქა
  • დარიჩინი - 5 გ
  • ვანილი - 5 გ
  • ფერადი ცუკატები, ქიშმიში ან სხვადასხვა ჩირი - 2 ს/კ
  • თეთრი შოკოლადი - 50 გ
  • კარაქი - 120 გ
  • შვრიის ფანტელი - (სწრაფად მოსამზადებელი) 1 ჭიქა
მომზადების წესები
მომზადების წესი:

ათქვიფეთ კარაქი შაქართან ერთად. დაუმატეთ კვერცხი და გააგრძელეთ თქვეფა.

დაუმატეთ მარილი, გამაფხვიერებელი, დარიჩინი, ვანილი და კვლავ კარგად ათქვიფეთ.
დაუმატეთ შვრიის ფანტელი და კარგად აურიეთ.

დაუმატეთ წვრილად დატეხილი შოკოლადი და დაჭრილი ჩირები, ყველაფერი კარგად
აურიეთ.

ჩააცერით ფქვილი და ხელით კარგად მოზილეთ ცომი (კოვზით აღარ გამოგივათ).

გაყავით ცომი 12 ნაწილად, გააკეთეთ ბურთები და დაალაგეთ ცომი ბურთები პერგამენტდაფენილი ლითონის ფირფიტაზე შორი-შორს.

აცხვეთ 180 გრადუსზე გახურებულ ღუმელში 15 წუთის განმავლობაში. შემდეგ ლითონის ფირფიტაზევე გააცივეთ და როცა ორცხობილები გამაგრდება, გადმოიღეთ.

ტეგები:
შვრია ორცხობილა ნანახია: 9315