მომზადების წესი:ცივი კარაქი დაკეპეთ დანით ფქვილთან და შაქრის პუდრასთან ერთად, დაუმატეთ არაჟანი, კვერცხის გული, მარილი და კარგად აურიეთ. მოზილეთ ცომი. გაახვიეთ ცომი ცელოფანში და შედგით მაცივარში 30 წუთი. შემდეგ გააბრტყელეთ ცომი 2 მმ სისქეზე, ამოჭერით ფორმების მეშვეობით ყვავილები და მოათავსეთ კექსის ფორმებში. იმისათვის, რომ ცომი არ ამოიბურცოს და შეინარჩუნოს კალათის ფორმა, თითოეული ფორმის ფსკერს მოაყარეთ ცოტაოდენი ფქვილი. შედგით კალათები 180 გრადუსზე გახურებულ ღუმელში და აცხვეთ იქამდე, სანამ კალათები არ დაიბრაწება. მანამდე მოამზადეთ გულსართი: გაფცქვენით ატამი და გამოაცალეთ კურკები. დააბლენდერეთ. ჟოლო დაჭყლიტეთ ჩანგლით და შეურიეთ ატმის პიურეს, დაუმატეთ შაქარი. დადგით ატმისა და ჟოლოს პიურე დაბალ ცეცხლზე და მიიყვანეთ ადუღებამდე.ჟელატინს დაასხით ვაშლის წვენი, მოურიეთ და შეურიეთ ცხელ ხილის პიურეს. ურიეთ, სანამ ჟელატინი მთლიანად არ გადნება. ოდნავ გააგრილეთ და გადაიტანეთ საკონდიტრო ტომარაში.ამოავსეთ გამომცხვარი კალათები ხილის მასით და კარგად გააცივეთ.