დესერტი
ცომეული
პასტა
ხორცეული
ზღვის პროდუქტები
ბოსტნეული
წვნიანი
სალათები
სოუსები
მასტერშეფი
მკითხველის რეცეპტი: ხაჭაპური სოდიანი ცომით
დრო
45წთ
ულუფა
3
სირთულე
საშუალო
შეინახე
რეცეპტი
ჩვენი ჟურნალის სტუმარი ასაკოვანი ქალბატონი, თინათინ ქველაძე გახლავთ. მან ხაჭაპურის მრავალი რეცეპტი იცის და ჩვენს მკითხველს ერთ, ორიგინალურ ვარიანტს სთავაზობს. ხაჭაპური ისევე გემრიელია ცივი, როგორც ცხელი. ამ ცომში შეგვიძლია სხვა სახის ღვეზლის მომზადებაც.
ინგრედიენტები
- მარგარინი - 250 გ
- მაწონი - 1 ქილა
- სოდა ძმრით - 1 ჩ/კ
- ფქვილი - 4 ჭიქა
- საფანელი - 2 მუჭა
- იმერული ჭყინტი ყველი - 800 გ
- კვერცხი - 1 ცალი
მომზადების წესები
მომზადების წესი:
დარბილებული მარგარინი და 4 ჭიქა ფქვილი ერთად ავსრისოთ, სანამ ფხვიერ მასას მივიღებთ. შევურიოთ მაწონი, სოდა ძმრით და მოვზილოთ ფქვილიანი ხელებით.
მივიღებთ ნაზ ცომს.
ცომი გავყოთ 3 გუნდად, თითოეულში მოვათავსოთ ყველის გულსართი, შევკრათ და თუნუქის ფურცელზე გავაბრტყელოთ. ხაჭაპურს წავუსვათ კვერცხი და საშუალო ტემპერატურაზე გამოვაცხოთ, სანამ დაიბრაწება.
ჟურნალი "გემრიელი" (მარტის ნომერი)
.jpg)
