უშაქრო ტარტალეტები სოკოს გულსართით
უშაქრო ტარტალეტები სოკოს გულსართით
დრო 45წთ
ულუფა 10
სირთულე საშუალო
შეინახე რეცეპტი
რჩევა
იმისათვის, რომ ტარტალეტები ლამაზი გამოვიდეს, სანამ გამოსაცხობად შევდგამთ, თითოეულ მათგანს დავაფინოთ პატარა პერგამენტის ნაჭერი, დავაყაროთ ცოტაოდენი ლობიო ან სხვა მარცვლოვანი და ისე გამოვაცხოთ. ლობიო არ გაფუჭდება, შეგვიძლია შემდეგ ჩვეულებრივ მოვხარშოთ და სასურველი კერძი მოვამზადოთ. უშაქრო ტარტალეტებში სოკოს გარდა ნებისმიერი სასურველი გულსართი შეგვიძლია მოვათავსოთ როგორც ბოსტნეული, ასევე ხორცის და თევზეულის გულსართი.

ინგრედიენტები

  • ცომი:
  • დარბილებული კარაქი 100 გ
  • მწიკვი მარილი
  • ფქვილი - 1 ჭიქა
  • შაქარი - 1 ჩ/კ
  • გულსართისთვის:
  • ხის სოკო - 300 გ
  • კამა - 1 კონა
  • ხახვი - 1 თავი
  • მარილი და პილპილი
  • ზეთი - მოსაშუშად
  • ტკბილი წიწაკა - გასაფორმებლად
  • კამა - გასაფორმებლად
მომზადების წესები
მომზადების წესი:

ფქვილში ავზილოთ დარბილებული კარაქი, მარილი და შაქარი. ცომი კარგად ვზილოთ, სანამ ერთგვაროვანი გახდება, შემდეგ ცელოფანში გავახვიოთ და მაცივარში შევდოთ.

ღუმელი გავახუროთ 180 გრადუსზე. ცომი გამოვიღოთ მაცივრიდან, დავყოთ 10-12 პატარა გუნდად და თითოეული ტარტალეტის ფორმაში მოვათავსოთ. გუნდა ხელით გავასწოროთ ფორმის ძირსა კედლებზე. ვეცადოთ, რომ ცომი თანაბრად გადანაწილდეს.

ტარტალეტები დაახლოებით 20-25 წუთის მანძილზე ვაცხოთ, შემდეგ გამოვიღოთ და შევაგრილოთ.

ეს გემრიელი საუზმეული სადღესასწაულო სუფრას დაამშვენებს.

ასევე, თავისუფლად შეგვიძლია მარხვისას მოვამზადოთ.

სოკო, ხახვი და კამა წვრილად დავჭრათ. რამდენიმე ღერი გადავინახოთ მოსართავად.

გაცხელებულ ტაფაზე დავყაროთ სოკო და დავახუროთ სახურავი. ცოტა ხანში, როცა სოკო წვენს გაუშვებს, დავუმატოთ დაჭრილი ხახვი და ამოვურიოთ. წვენი რომ დაშრება, დავასხათ ზეთი დ მოვშუშოთ. დავუმატოთ მარილი, პილპილი და წვრილად დაჭრილი კამა.

ტარტალეტებში მოვათავსოთ სოკოს გულსართი, ზემოდან კი კამის ფოთლები და დაჭრილი ტკბილი წიწაკა მოვაყაროთ.

ჟურნალი "გემრიელი" (მარტის ნომერი)
ტეგები:
სოკო ტარტალეტები ნანახია: 3205