ბარდის კრემ-სუპი ჭარხლის ფოთლების ნახარშით
ბარდის კრემ-სუპი ჭარხლის ფოთლების ნახარშით
დრო 1წთ
ულუფა 6
სირთულე საშუალო
შეინახე რეცეპტი
ამ გემრიელ წვნიანს განსაკუთრებულ არომატს სძენს ჭარხლის ფოთლების, იგივე წითელი მხლის ნახარში. ამასთან ეს პროდუქტი ძალზე სასარგებლოა და ადრე გაზაფხულზე ნამდვილად მისწრებაა. მოხარშული ფოთლებით შეგვილია მხალი მოვამზადოთ, წვენი კი კრემ-სუპში გამოვიყენოთ.

ინგრედიენტები

  • ჭარხლის ფოთლები - 300 გ
  • ბარდა - ხმელი, 1 ჭიქა
  • ხახვი - 2 თავი
  • პაპრიკა - 2 ს/კ
  • ნიორი - 2 კბილი
  • ქინძი - 1 კონა
  • ზეთი - ხახვის მოსაშუშად
  • მარილი და წიწაკა - გემოვნებით
მომზადების წესები
მომზადების წესი:
ბარდას დავასხათ ცივი წყალი და დავდგათ ცეცხლზე. პარალელურად ზეთში მოვშუშოთ ხახვი. ქინძი და ნიორი წვრილად დავჭრათ. ჭარხლის ფოთლები კარგად გავრეცხოთ და მოვხარშოთ.
წვენი გადავწუროთ და ცალკე შევინახოთ. როცა ბარდა მოიხარშება, გადავწუროთ, დავუმატოთ წითელი მხლის ფოთლების ნახარში, ხახვი, მწვანილი, ნიორი და ბლენდერით ავთქვიფოთ. თუ ბლენდერი არ გვაქვს, გავაკეთოთ ბარდის პიურე და შევურიოთ დანარჩენი ინგრედიენტები. სითხე ერთდროულად არ დავასხათ,
ნელ-ნელა ვუმატოთ, სანამ სასურველ კონსისტენციას მივიღებთ. მომზადებული მასა ჩავაბრუნოთ ქვაბში, დავუმატოთ მარილი, წიწაკა, პაპრიკა და წამოვადუღოთ.

ჟურნალი "გემრიელი" (მარტის ნომერი)