კატლეტი სოკოსა და სალათის გარნირით
კატლეტი სოკოსა და სალათის გარნირით
დრო 25წთ
ულუფა 6
სირთულე საშუალო
შეინახე რეცეპტი
ამ რეცეპტით მიმზადებული კატლეტი განსაკუთრებულად წვნიანი და არომატულია. სოკოს ნაცვლად შეიძლება ტრადიციული გარნირის მომზადებაც.

ინგრედიენტები

  • შერეული ხორცის ფარში - 500 გ
  • კვერცხი 1
  • მაწონი - 1 ს/კ
  • თეთრი პური - 200 გ
  • ხახვი - 2 თავი
  • ძირა - 1 ჩ/კ
  • ზეთი - 1 ს/კ
  • ნიორი - 2 კბილი
  • საფანელი - ამოსავლები
  • მარილი და პილპილი - გემოვნებით
  • ცხიმი - შესაწვავად
  • სალათის ფოთლები - და სოკოს მარინადი გარნირად
მომზადების წესები
მომზადების წესი:

ხორცის ფარშს დავუმატოთ ძალიან წვრილად დაკეპილი ნიორი, ხახვი, კვერცხი და ზეთი.

დავუმატოთ თბილ წყალში დამბალი და გაწურული თეთრი პური, მაწონი, მარილი და პილპილი. მასა 5-10 წუთი ხელით ვზილოთ და გავაკეთოთ დაახლოებით 15-16 გუნდა.

წყალში დავისველოთ ხელები, გუნდებს მივცეთ მოგრძო ფორმა, ამოვავლოთ საფანელში და დავაწყოთ ლანგარზე. კატლეტები ძალიან არ დავაბრტყელოთ, თორემ შეწვისას გამოშრება.

ტაფაზე გავაცხელოთ ცხიმი და საშუალო ტემპერატურაზე შევწვათ კატლეტები, შეწვისას ხშირად ვატრიალოთ.

კატლეტი სუფრაზე სალათის ფოთლებსა და სოკოს მარინადთან ერთად გავიტანოთ.

ჟურნალი "გემრიელი" (მარტის ნომერი)